КіруАманатқа қиянат жасамайық
Табиғат – бұл бізге мәңгілікке берілген меншік емес. Ол – ата-бабамыздан қалған, бүгін біз сақтап, ертең ұрпаққа аман-сау тапсыруға тиіс қасиетті аманат. Осы орайда туған жердің табиғатын қорғау, табиғи байлықты үнеммен ұстау және тарихи-мәдени мұрамызды көздің қарашығындай сақтау – әрбір саналы азаматтың басты парызы.
Бұл қағида Конституцияда айқындалған заңды талап қана емес, бұл – адамның өмірлік ұстанымы. Мемлекет пен қоғамның табиғатқа деген көзқарасы тек қағаз жүзіндегі науқандармен емес, күнделікті әдеттеріміз бен мәдениетімізден көрінуі тиіс.
Үлкен өзгерістер әрқашан кішкентай қадамдардан басталады. Қоқысты өз орнына тастау, краннан аққан суды босқа ағызбау, жасыл шөп пен жас көшетті жұлмай, қорғау – табиғатқа деген шынайы сүйіспеншіліктің нақты белгісі. Осындай күнделікті қарапайым әдеттер санамызға сіңген сайын, қоғамдағы экологиялық жауапкершілік те арта түседі.
Бүгінгі таңда ел көлемінде қолға алынған «Таза Қазақстан» бастамасы – осы тазалық мәдениетін қалыптастырып жатқан нақты істің көрінісі. Аулаларды тазартып, көшелерді абаттандыру, жаппай ағаш отырғызу шаралары әрқайсымызға ортақ үйімізге деген жанашырлықты сезіндіруде.
Әсіресе, осы іске жастардың белсене қатысуы қуантады. Экологиялық волонтерлік, сенбіліктер мен көгалдандыру жұмыстары жас буынның бойына туған жерге деген сүйіспеншілік пен жауапкершілікті қалыптастырып, қоғамдық белсенділігін шыңдайды.
Табиғатты қорғаумен қатар, тарихи-мәдени мұрамызды ардақтау да – ұрпақ алдындағы үлкен міндет. Ғасырлар куәсі болған тарихи ескерткіштер мен қасиетті орындар – өткеніміз бен болашағымызды жалғап тұрған алтын көпір. Оларды қорғау – тарихқа көрсетілген құрмет қана емес, болашаққа қалдырар мәдени мұрамыз.
Қысқаша айтқанда, туған жердің тазалығы мен көркіне үлес қосу – болашақтың іргетасын қалау. Өйткені ертеңгі ұрпаққа қандай орта қалдыратынымыз бүгінгі әрбір қадамымызға тікелей байланысты.
«Табиғатты аялаған – болашақты қорғайды». Бүгінгі қамқорлығымыз – ертеңгі ұрпаққа жететін ең маңызды аманат.
Соңғы жаңалықтар
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
Бөкей ордасының 225 жылдығына орай салтанатты жиын мен мерекелік концерт өтті
«ӘДІЛЕТ» ПАРТИЯСЫ ӘЛЕУМЕТТІК ОСАЛ САНАТТАҒЫ ЖАСТАРҒА 10 БІЛІМ ГРАНТЫН ҰСЫНАДЫ
15 граждан привлечены к ответственности за незаконное нанесение граффити в ЗКО
Президент Қ.К.Тоқаевтың «Handelsblatt» іскерлік басылымына жарияланған мақаласы
«Сыбайлас жемқорлықсыз болашақ» тақырыбында сурет және постерлер байқауы өтті
Маңғыстау облысындағы оқу-жаттығу жиыны кезінде қаза тапқан әскери қызметшілер ҚР мемлекеттік наградаларымен марапатталды
Маңғыстау облысында болған қайғылы оқиға салдарынан қаза тапқан Батыс Қазақстан облысының әскери қызметшілерін жерлеу рәсімдері өтті
Air Astana Каспийде қаза тапқан әскери қызметшілердің отбасын тегін тасымалдайды
Маңғыстау облысында әскери қызметшілердің қаза болу жағдайын Үкіметтік комиссия тексеруде
Каспий теңізінде жоғалған екі әскери қызметшінің денесі табылды: іздестіру операциясы аяқталды
