КіруҰлы ақын мұрасы ұлықталды
Батыс Қазақстанда ұлы ақын Абай Құнанбайұлының рухани мұрасын ұлықтауға арналған тағылымды шаралар жалғасуда. Орал қаласында ақын ескерткіші маңында Жұбан Молдағалиев атындағы облыстық орталық әмбебап ғылыми кітапхананың ұйымдастыруымен «Абай даналығы: бүгін және мәңгі» атты мәдени іс-шара өтті.
Рухани кешке облыс әкімінің орынбасары Қайыржан Меңдіғалиев, зиялы қауым өкілдері, еңбек ардагерлері және жастар жиналды. Жиын барысында Абай шығармашылығының бүгінгі қоғам үшін мәні мен ұрпақ тәрбиесіндегі орны сөз болды.
Облыс әкімінің орынбасары қатысушыларды Абай күнімен құттықтап, ақынның мол мұрасын кейінгі буынға жеткізудің маңыздылығына тоқталды. Оның айтуынша, кітап оқу мәдениетін қалыптастыру мен жастардың рухани дамуына жағдай жасау – елдің интеллектуалдық әлеуетін арттырудың маңызды бағыттарының бірі.
Қайыржан Меңдіғалиев Мемлекет басшысы Қасым-Жомарт Кемелұлы Тоқаевтың жастар арасында кітап оқуды кеңінен насихаттауға басымдық беріп отырғанын атап өтті. Президент көтерген «Кітап оқитын ұлт» тұжырымдамасы мен «Зерделі ұлт» қалыптастыруға бағытталған бастамалардың мәніне тоқталып, бұл үдерісте Абай шығармаларын оқып, оның тағылымын жас ұрпақтың санасына сіңірудің маңызы зор екенін жеткізді.
Шара барысында ақынның шығармашылық мұрасы кеңінен насихатталды. Қатысушылар Абай ескерткішіне гүл шоқтарын қойды. Сондай-ақ облыстық «Абай оқулары» байқауында үздік нәтиже көрсеткендер марапатталды. Ашық аспан астында өткен мәдени бағдарламада Абайдың әндері орындалып, өлеңдері оқылды.
Соңғы жаңалықтар
Сайлау учаскелерін жедел анықтауға мүмкіндік беретін онлайн-сервистер іске қосылуда
Әлеуметтік сауалнама: Қазақстандықтардың сайлау процесіне қатысу белсенділігінің артқаны байқалады
Азамат сайлау учаскесін іздеуге арналған онлайн-сервистерге QR-код арқылы өте алады
Батыс Қазақстан облысының әкімі Нариман Төреғалиевтің Абай күнімен құттықтауы
Однопалатный Курултай задает новые стандарты парламентской работы – эксперт
Қазақстандықтар Құрылтай сайлауына қатысты ақпаратты қайдан алады — сауалнама нәтижелері
Экологиялық керуен, инклюзия және өндірісті қолдау: партиялар өңірлерде қандай мәселе көтерді
Неліктен 120 балл грант алуға әрдайым кепілдік бермейді, ал 100 балл жеткілікті болуы мүмкін?
Туризм және спорт министрі «Болашақ ойындары 2026» аясындағы фиджитал-футбол жарысына қатысты
Откуда казахстанцы узнают о партиях и кандидатах на выборах в Курултай — результаты опроса
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
