КіруҚұрылыс саласының үздіктері марапатталды
Батыс Қазақстан облысында Құрылысшы күніне орай сала мамандарына құрмет көрсетілді. Мерекелік жиын «Атамекен» өнер ордасында ұйымдастырылып, құрылыс саласының ардагерлері, мамандары мен кәсіпорын өкілдері бас қосты.
Іс-шара барысында облыс әкімінің орынбасары Мирас Мүлкәй өңірдегі құрылыс саласының бүгінгі жетістіктеріне тоқталып, сала қызметкерлерін кәсіби мерекесімен құттықтады. Ол Мемлекет басшысының тапсырмасымен жүзеге асқан заңнамалық өзгерістер құрылыс қарқынын арттыруға және саланың дамуына жаңа серпін бергенін атап өтті.
Өңірде соңғы жылдары әлеуметтік инфрақұрылымды дамытуға айрықша көңіл бөлінуде. Атап айтқанда, кейінгі үш жылда 138 млрд теңгеге 121 әлеуметтік нысан салынып, ел игілігіне берілген. Оның ішінде денсаулық сақтау саласына қатысты 52, білім беру бағытында 30, мәдениет саласында 15 және спорт бойынша 24 нысан бар.
Инфрақұрылымды жаңарту жұмыстары теміржол нысандарын да қамтыды. Екі вокзал жаңғыртылса, тағы екі теміржол вокзалы толық бұзылып, орнына жаңа ғимараттар салынды.
Құрылыс көлемі бойынша да оң динамика байқалады. 2026 жылдың алғашқы алты айында облыста орындалған құрылыс жұмыстарының көлемі 143,6 млрд теңгеге жетіп, 117,1 пайызды құрады.
Мерекелік шарада салаға еңбегі сіңген бірқатар азамат марапат төрінен көрінді. Жасқайрат Төлеуғалиев пен Владимир Есеновке «Еңбек ардагері» медалі табысталды. Ернияз Үдіреев, Серік Есенов, Вадим Кожевников және Замир Сәрсенбаев «Құрметті құрылысшы» төсбелгісімен марапатталды.
Сонымен қатар бір топ сала өкіліне ҚР Өнеркәсіп және құрылыс министрінің Құрмет грамотасы мен облыс әкімі Нариман Төреғалиевтің Алғыс хаты табыс етілді.
Жиын соңында құрылыс саласындағы жетістіктер қорытындыланып, бірқатар компания 8 аталым бойынша марапатталды. Салтанатты кеш өңір өнерпаздарының концерттік бағдарламасымен түйінделді.
«Жайық үні»
Соңғы жаңалықтар
Однопалатный Курултай задает новые стандарты парламентской работы – эксперт
Қазақстандықтар Құрылтай сайлауына қатысты ақпаратты қайдан алады — сауалнама нәтижелері
Экологиялық керуен, инклюзия және өндірісті қолдау: партиялар өңірлерде қандай мәселе көтерді
Неліктен 120 балл грант алуға әрдайым кепілдік бермейді, ал 100 балл жеткілікті болуы мүмкін?
Туризм және спорт министрі «Болашақ ойындары 2026» аясындағы фиджитал-футбол жарысына қатысты
Откуда казахстанцы узнают о партиях и кандидатах на выборах в Курултай — результаты опроса
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
