Азия чемпионына құрмет көрсетілді

Батыс Қазақстан облысының дене шынықтыру және спорт басқармасының басшысы Бақдәулет Сәбитов семсерлесуден Азия чемпионы атанған Ирина Бакалдинамен кездесті.

Кездесу барысында басқарма басшысы спортшыны халықаралық додадағы табысты өнерімен құттықтап, оның жеңісі өңір спортының дамуына серпін беретін маңызды жетістік екенін атап өтті. Сондай-ақ алдағы уақытта да спортшыға қажетті қолдау көрсетілетінін айтып, жауапты халықаралық жарыстарда, оның ішінде Азия ойындарында жоғары нәтиже көрсетуіне тілектестік білдірді.

Өз кезегінде Ирина Бакалдина өзіне көрсетілген сенім мен қолдау үшін ризашылығын жеткізді. Ол алдағы жарыстарда да бар күш-жігерін салып, Қазақстанның намысын халықаралық аренада лайықты қорғауға дайын екенін айтты.

Жиын соңында тараптар өңірде семсерлесу спортын дамытуға бағытталған бастамалар мен болашақ жоспарларды талқылап, халықаралық деңгейдегі нәтижелерді арттыруға қатысты пікір алмасты.