КіруПОЛИЦЕЙЛЕР КҮШЕЙТІЛГЕН РЕЖИМДЕ ҚЫЗМЕТ АТҚАРУДА
1 қыркүйек күні Орал қаласы мен облыс аумағындағы 319 мектепке полиция қызметкерлері кезекшілікке қойылды. Бұл туралы БҚО Полиция департаменті хабарлады.
Жаңа оқу жылының басталуына орай БҚО полицейлері қызметтің күшейтілген нұсқасына көшті. Ең бірінші кезекте балалардың қауіпсіздігі мен жүріп-тұруы қатаң бақылауға алынды. Алғашқы білім күніне орай полиция қызметкерлері барлық мектептерде ата-аналар мен балалар арасында түсіндірме жұмыстарын жүргізіп, жадынамалар таратты.
Өңірде басталған “Абайлаңыз, балалар!” жедел алдын алу іс-шарасының дайындық кезеңі аяқталды. Шара барысында білім беру мекемелерінде тексеру жұмыстары жүргізілген. Анықталған кемшіліктерді жою бойынша жергілікті атқарушы органдарға 86 жазбаша нұсқама жолданды. Облыс бойынша 82 мектепке дабыл түймелері орнатылып, 11 мектепке мамандандырылған күзет агенттіктерімен қамтамасыз ету шарттары жасалған. Сондай-ақ, жол қауіпсіздігін қамтамасыз ету мақсатында білім беру мекемелері орналасқан 391 көше тексерілген. 146 учаскедегі жаяу жүргіншілер өткеліне жол белгілері қойылып, 97 жол белгісі ауыстырылып, 35 жасанды тежегіш кедір-бұдырлар орнатылды.
Биыл жеті айдың қортындысы бойынша облыс аумағында балалардың қатысуымен 33 жол-көлік апаты орын алған. Оның салдарынан 47 бала түрлі жарақат алып, үш бала көз жұмды.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу