Кіру«KODOKON SPIRIT» ДЗЮДО ОРТАЛЫҒЫ АШЫЛДЫ
Орал қаласының 10 шағынауданынан көпбейінді спорт кешені – «Kodokan Spirit» дзюдо орталығы ашылды. Салтанатты шараға облыс әкімі Ғали Есқалиев пен қала әкімі Абат Шыныбеков қатысты.
Салтанатты ашылу рәсімінде сөз алған өңір басшысы Ғали Нәжімеденұлы бұл спорт кешенінің ашылуы облысымызда бұқаралық және балалар спортының дамуына, дені сау ұлттың қалыптасуына ықпал ететінін атап өтті.
– Өткен жылы жергілікті кәсіпкер Ғайса Жұмалиев ел Тәуелсіздігінің 30 жылдығына орай өз есебінен дзюдо орталығын ашу туралы бастама көтерген болатын. Жерлесіміз осы жерде туып-өскен. Қазақстан мемлекеті мен халқының арқасында табысты кәсіпкерге айналды, жетістікке жетті және еліне алғыс ретінде осындай сыйлық жасауды жөн санады. Кәсіпкердің идеясын қолдау үшін әкімдік тарапынан 80 сотық жер учаскесі берілді. 11 айда ол халықтың, жас ұрпақтың игілігі үшін жұмыс істейтін нысан тұрғызды. Біздің әрқайсымыз елдің дамуына үлес қосуымыз керек және бұл спорттық нысанның ашылуы облыстың басқа кәсіпкерлеріне үлгі болады, – деді өңір басшысы. Айта кету керек, спорттық нысан облыстық дзюдо федерациясының вице-президенті Ғайса Жұмалиевтің бастамасымен салынған. Спорт кешенінің құрылысына 250 миллион теңге жұмсалған. Салауатты өмір салтын қолдап, спортты серік еткен жандарға сабақтарды тәжірибелі жаттықтырушылар өткізеді. Сондай-ақ, мұнда дзюдо сабақтарынан басқа мини-футбол, йога, гамакта йога, би, гимнастика және жаттығу залында қосымша сабақтар өтеді. Спорт кешенінің инфрақұрылымы келушілерге ыңғайлы етіп жасақталған. Негізгі залда 132 орындық трибуна, кофе залы, күту залы және сабақтарды онлайн-бейнебақылау, массаж бөлмесі, оған қоса демалыс аймағы және душ бөлмесі бар. Көпфункционалды спорт кешені – «Kodakan Spirit» дзюдо орталығының ашылуы облысымызда дзюдоны дамытуға өз септігін тигізері сөзсіз. Су жаңа нысанды тамашалаушылар болашақта олимпиада ойындарында алтынды қанжығалар, еліміздің абыройын асқақтататын жерлестеріміз осы жерден шығарына үмітпен тарқасты.
Кәусар БАЙҒАЛИЕВА
Версия для печати
Соңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу