КіруОРАЛДАҒЫ ҒИМАРАТТАР МЕН КӨШЕЛЕРДІҢ ДИЗАЙН-КОДЫ ДАЙЫНДАЛДЫ
Бүгін, 16 ақпан күні Орал қаласы әкімі Абат Шыныбеков халықпен онлайн есептік кездесуде қаланы жарықтандыру және тұрғын үй кешенін жаңғырту жоспарымен бөлісті.
Орал қаласында ыңғайлы әрі қауіпсіз қала ортасын құру мақсатында көшелерді жарықтандыру жүйесі жаңартылып, қаланың көрнекті объектілерінің архитектуралық жарықтандыруын орнату жалғасуда. Осы орайда биыл қала көшелеріндегі жарық шамдары мүлдем жоқ көшелерге 5000 дана жарықшам орнату көзделуде. Бұдан бөлек Орал-Саратов тас жолынан Жәңгірхан көшесіне дейінгі Айтқұлов көшесін, Меловые горки бағытын, Депо көпірінен Алаш көшесіне дейінгі Әбілқайыр хан даңғылын жарықтандыру жұмыстарына жобалар жасақталуда. Жол қауіпсіздігін қамтамасыз ету мақсатында көшелерге жол салу және жөндеу үшін жасақтайтын жаңа жобаларда жарықтандыру жұмыстары қарастырылған.
– Абаттандыру ережелеріне сәйкес Орал қаласындағы ғимараттар мен көшелердің қасбет элементтерінің дизайн кодын жасадық. Оның болуы қаланы біртектес, дәйекті және түсінікті етеді. Құрылыс қасбеттері, тақтайшалары мен белгілері бірдей стильде үйлесімді болады және қатаң белгіленген орындарға орналастырылады. Қазіргі уақытта Назарбаев даңғылының дизайн коды дайын, біз жұмысқа кірісеміз. Біз бұл процесті кәсіпкерлермен, меншік иелерімен және қала тұрғындарымен бірге жүзеге асырамыз, – деді Абат Абайұлы.
Қалада тұрғын үй кешенін жаңғырту жалғасады. Биыл он тоғыз нысан жаңартылып, бес лифт ауыстырылады деп күтілуде.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу