КіруОРАЛДЫҚ ЗИЯТКЕРЛЕРДІҢ ЖОБАЛАРЫ РЕСПУБЛИКАЛЫҚ БАЙҚАУДА ҮЗДІК АТАНДЫ
Республикалық ғылыми жобалар байқауында 750 жас зерттеушінің авторлығымен 576 ғылыми жоба ұсынылды. Оның ішінде Оралдағы Назарбаев Зияткерлік мектебі оқушыларының екі жобасы үздік деп танылды.⠀
Беделді сайыстың жеңімпазы атанған 9-сынып оқушысы Айнамкөз Рафихова үстел ойындарының маңызын зерделей келе «Зерек» ойынын құрастырған. Үстел ойынының шарттары жеңіл, түрлі бонустарының қамтылуы да қатысушыны өзіне елітеді. Ойыншыға көмекке Желаяқ, Көлтауысар секілді ертегі кейіпкерлері де келеді. ⠀
– Ойынның техникалық сипатына өнер пәні жауап берсе, ішкі мазмұны қазақ әдебиетінің еншісіне тиді. Үстел ойынының интеллектуалды пайдасымен қоса психологиялық тұрғыда оң әсерін байқадым, – дейді ол.⠀
Ал осы мектептің 10-сынып оқушылары Азиза Ташимова мен Әнел Әкімнің ізденіс тақырыбына Күнбатыс Алашорда қайраткерлері – Халел Досмұхамедов, Дәулетше Күсепқалиев, Мәжит Шомбалов, Ахмет Мәметов сынды қазақтан шыққан алғашқы жоғары білімді дәрігерлер арқау болды. Жас зерттеушілер алғашқы дәрігерлер мұраларының маңыздылығын талдап, олардың ұлт денсаулығын сақтаудағы рөліне баға берген. Оралдық қос зияткердің бұл ғылыми жобасы үздік үштікке кірді. Оқушылар қайраткерлердің өмір жолы туралы сайт та жасақтапты.⠀
zhaikuni.kz
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу