КіруДӘСТҮР МЕН ЗИЯТ ТОҒЫСТЫ
Бүгін тоғызқұмалақтан Назарбаев Зияткерлік мектептерінің оқушылары арасындағы желілік спартакиада жеңімпаздары анықталды. Алғаш рет ежелгі ойынның жанкүйерлері өз қарсыластарымен онлайн форматта, PlayOk платформасында кездесті.
– Төрт мың жылдық тарихы бар бірегей ұлттық ойын шығармашылық пен логиканы дамытады, сол себепті де ол оқушыларымыздың арасында кеңінен танымал. Ойынға қызығушылық таныту – өз халқының тарихы мен мәдениетіне жақындай түсу, – деді ойын алдында қатысушыларды құттықтаған «Назарбаев Зияткерлік мектептері» ДББҰ басқарма төрайымы Күләш Шәмшидинова.
Спартакиада нәтижесінде жоғары сынып оқушылары арасында 12-сынып оқушысы Бекарыс Жортабаев чемпион атанса, орта топта 8-сынып оқушысы Абылай Мәметан екінші орынды иемденді, ал 7-сынып оқушысы Санида Нұрсәлім қыздар арасындағы сында үздік үштікке кірді. Осылайша, оралдық құрама 7-9 және 10-12-сынып оқушылары арасындағы сында жалпыкомандалық есепте екінші орыннан көрінді.
– Әр ұлттың өзінің зияткерлік ойыны бар. Мәселен, орыстардың дойбысы, африкалықтардың манкаласы, шығыс халықтарының госы. Біздің тоғызқұмалақ осы ойындардан талдауды қажет ететін күрделігімен ерекшеленеді, – дейді тоғызқұмалақтан үйірме жетекшісі Қанапия Қаяпбергенов.
Оқушылардың тоғызқұмалаққа деген қызығушылықтары жыл сайын артып келеді, оған ұлттық мәдениетіміз бен дәстүрлерімізді қайта жаңғыртуға арналған жобалар NIS әлеуметтік жобалары қатарында сұранысқа ие екені дәлел.
Айта кетейік, оралдық тоғызқұмалақшылар сонымен қатар республикалық чемпионаттарда өңір намысын қорғап жүр.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу