КіруЖАМАЛ АНАМЫЗДЫҢ РУХЫНА АРНАЛДЫ
Ақжайық төрінде, Орал орталық мешітінде атымтай ана, жақсылыққа жаны құмар Әбдімәлікқызы Бибі-Жамал апамыздың рухына бағышталған республикалық қайырымдылық шара ұйымдастырылды.
Алла ризашылығы үшін жуырда дүние салған Әбдімәлікқызы Бибі-Жамал анамызды еске алу рәсімдерінің орнына ұрпақтары мұқтаж отбасыларға қайырымдылық жасауға ниет еткен. Бибі-Жамал апаның қырқына арналған қайырымдылық шарасы облыстық орталық «Орал» орталық мешітінде басталды. Алдымен орталық мешітінің наиб имамы Мейрамбек Ақылбекұлы қасиетті құран аятын оқып, бас имам Мұратбек қажы Қыстаубаев Әбдімәлікқызы Бибі-Жамал анамызға дұға жасады. Анамыздың өмірбаянына тоқталып, игілікті жолын жиналғандарға кеңінен жеткізді.
300 қоржынға салынған азық-түлік жалғызбасты аналар мен отбасы жағдайы төмен жандарға, мұқтаж отбасыларға берілді.
Айта кетейік, өмірінің соңына дейін көмекке мұқтаж жандарға қол ұшын созып, қайырымдылықпен айналысқан Бибіжамал апа 2020 жылдың 1 тамызында 79 жасында дүниеден озды. Анамыздың рухына арналған қайырымдылық шарасы облыс, қала, аудан мешіттерінде өз жалғасын табады.
ҚМДБ-ның БҚО бойынша баспасөз қызметі
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу