КіруКАРАНТИНДІК РЕЖИМ: ШЕКТЕУ ШАРАЛАРЫ КҮШЕЙДІ
Орал қаласы әкімі Абат Шыныбеков төтенше жағдай және карантин уақытында азаматтардың өмірін және денсаулығын қорғау, коронавирустық инфекцияның (COVID-19) таралуына жол бермеу мақсатында 31 наурыз сағат 00.00-ден бастап облыс аумағында енгізілген бірқатар шектеу шараларымен таныстырды.
– Облыс аумағында коронавирус инфекциясын жұқтырған екі науқас тіркелді. Оларға қазір медициналық емдеу шаралары жүргізілуде. Өңірдегі эпидемиологиялық ахуалдың күрт өзгеруіне байланысты тиісті шектеу шаралары қабылданды. Бұл бірінші кезекте облыс орталығы Орал қаласының тұрғындарына және қалаға келуші азаматтарға қатысты. Санитарлық-карантиндік күшейту шаралары – облыс тұрғындарының денсаулығын сақтау және коронавирус инфекциясының таралуын тежеу мақсатында қолға алынды. Сол себепті өңір азаматтарын уақытша болатын қолайсыздықтарға түсіністікпен қарауға шақырамын, – деді Абат Абайұлы.
Қала әкімі Абат Шыныбековтың айтуынша, карантин кезінде азаматтарға қалаға келуге және шығуға тыйым салынады. Қаланың ішіндегі қозғалысқа да айтарлықтай өзгерістер енгізіледі. Қала бойынша аса қажеттіліктен басқа жағдайларда адамдардың және жеке көліктің қозғалысына тыйым салынады. Азаматтар нақты себептермен ғана ғана сыртқа шыға алады. Нақтырақ айтқанда, қолында жұмыс орнынан берілген анықтамасы бар азаматтардың жұмысқа баруы және қайта келуіне рұқсат бар. Бұл ретте жедел штаб бекіткен салалар бойынша қызметтерін жалғастырып отырған мекемелердің басшылары мен кадр бөлімі қызметкерлеріне анықтама беруі тиіс. Ол анықтамада мекеме атауы, қызметкердің аты-жөні, жұмыс орны басшысымен байланыс туралы деректер көрсетілуі тиіс. Азаматты құқық қорғау қызметкері тоқтатқан кезде ол осы анықтаманы ұсынуы керек.
Азық-түлік алу үшін шығуға болады. Бірақ, тұрғылықты мекенжайдан екі шақырымдық қашықтықтан ұзамау керек.
Дәрі-дәрмек, медициналық заттар алу кезінде де мекенжайдан екі шақырымдық радиуста орналасқан дәріханаға ғана баруға рұқсат.
Үй жануарларын серуендету үшін тұрғылықты мекенжайдан 500 метрлік радиустан аспау қажеттігі ескертіледі және серуендету уақыты 30 минуттан артық болмауы керек.
Медициналық мекемелерге тек шұғыл жағдайда ғана баруға рұқсат.
Адам өміріне денсаулыққа қауіп келтіретін төтенше оқиға орын алғанда ғана үйден шығуға болады.
Азаматтарға туған-туыстарына, таныстарына, көршілері мен әріптестеріне баруға тыйым салынады.
Бір отбасы азаматтарын есепке алмағанда, қоғамдық орындарда үш адамнан артық топтасып тұруға тыйым салынады.
Кәмелетке толмағандардың үлкендердің жетелеуінсіз қалада жүріп-тұруына болмайды.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу