КіруЖАҢА ЖЫЛДА ЖАҢАРҒАН ЖӘҢГІР ХАН УНИВЕРСИТЕТІ
Қаланы абаттандыру, университет қалашығын көркейту мақсатында Жәңгір хан атындағы БҚАТУ-дың бас қақпасы заманауи үлгіде жаңартылды.
Жаңғырған нысанның салтанатты ашылуына оқытушылар мен студенттер қатысып, университет түлектері – облыс әкімінің бірінші орынбасары М.Манкеев, «Нұр Отан» партиясының облыстық филиалы төрағасының бірінші орынбасары М.Мұқаев және қала әкімі А.Шыныбеков, облыстық «Рухани жаңғыру» жобалық кеңсе жетекшісі С.Тұманбаева шақырылды.
Облыс әкімінің бірінші орынбасары М.Манкеев аталмыш құрылыс нысанының оқытушылар мен студенттердің жетістікке ұмтылу талпынысын арттыратынын атап өтсе, университеттің Ардагерлер кеңесінің төрағасы Қ.Бозымов оқу ордасындағы жаңалықтар мен жетістіктер туралы айтты.
Университеттің жаңа брендін қалыптастыратын, мәдениеттің бастауы – қалашық қақпасының ашылуынан соң жаңа жылдық шырша шамы жағылды. Студенттерге көтеріңкі көңіл-күй сыйлаған шарада қала әкімі А.Шыныбеков мерекемен құттықтап, жаңа жылда жаңа табыс пен жемісті еңбек тіледі.
Жайнагүл Сағидоллақызы,
Жәңгір хан университетінің медиа орталығының маманы
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу