Кіру«ЖЕМҚОРЛЫҚ БАТПАНДАП КІРІП, МЫСҚАЛДАП ШЫҒАТЫН КЕСЕЛ»
Сейітжан ҚОЙБАҚОВ, «Жаңару» сыбайлас жемқорлыққа қарсы жалпыұлттық қозғалысының Нұр-Сұлтан қаласындағы өкілі:
Жуырда ҚР Президенті Қасым-Жомарт Тоқаев «Сыбайлас жемқорлық – өте күрделі құбылыс. Былай айтқанда дерт деп те айтуға болады. Батпандап кіретін, мысқалдап шығатын кесел. Сондықтан бұл дертпен міндетті түрде бәріміз қоғам боп күресуіміз керек. Әйтпесе кеш болып қалуы мүмкін. Сыбайлас жемқорлықтың кесірінен алып мемлекеттер, ірі мемлекеттер құлағанын бәріміз білеміз, куә болдық» деген болатын. Әрине, біздің елімізде сыбайлас жемқорлықтың бар екенін жасыра алмаймыз. Қазақта «Ауруын жасырған ажалсыз өледі» деген бар. Мемлекет тарапынан жемқорлықтың жолын кесу мақсатында ауқымды жұмыстар жасалуда. Азаматтық ұйым өкілдері осыған үн қосып, көмек көрсетуіміз керек. «Жаңару» жалпыұлттық қозғалысының мүшелері қоғамда сыбайлас жемқорлықтың барлық көріністерінде одан тұрақты түрде бас тартуды қалыптастыру мақсатында жұмыстанып келеміз.
Нұр-Сұлтан қаласында «Жаңару» қозғалысы жанынан «Адал алаң», «қоғамдық сенім» бастамаларын қолға алып, жоспар жасап, соған сай жұмыстар жүргізудеміз. Мақсатымыз – ел астанасының адал қала болып қалыптасуына өз үлесімізді қосу. Біздің қолға алған жобаларымыз өзге облыстарға таратылуда. «Жаңару» қозғалысының құрылғанына бес жыл ғана толды. Барлық аймақта филиалдарымыз бар. Бірақ, кейбір өңірлерде жұмыстың баяу екенін атап өтуіміз керек. Сондықтан әр өңір филиалдарының осындай бір жиында басқосуы жұмысты ілгерілету жолында тәжірибе алмасуымызға оң ықпалын тигізеді.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу