КіруБҚО-ДА ПРОФЕССОР ОТАРӘЛІ БҮРКІТОВТЫҢ 65 ЖЫЛДЫҒЫНА АРНАЛҒАН РЕСПУБЛИКАЛЫҚ КОНФЕРЕНЦИЯ ӨТТІ
Бүгін Батыс Қазақстан инновациялық-технологиялық университетінде ҚР білім беру ісінің Құрметті қызметкері, филология ғылымдарының докторы, профессор Отарәлі Бүркітовтың 65 жылдығына орай «Мемлекеттік тілдің ұлтаралық қатынас тіліне айналу үдерісі» тақырыбында республикалық ғылыми-тәжірибелік конференция өтті.
1954 жылы Қаратөбе ауданында дүниеге келген Отарәлі Бүркітовтің өмірі бұрынғы Орал педагогикалық институты, қазіргі М.Өтемісов атындағы БҚМУ-мен тығыз байланысты. Пединститутты 1979 жылы бітірген Отарәлі осында оқытушылық қызметке қалып, кейін ҚазМУ-дың аспирантурасында білім алған. Ұстаз-ғалым бұдан кейін институтта аға оқытушы, кафедра меңгерушісі, филология факультетінің деканы қызметтерін абыроймен атқарды. 1996 жылдан 2005 жылға дейін М.Өтемісов атындағы БҚМУ мен Батыс Қазақстан гуманитарлық академиясында проректор болып, еліміздің білім беру саласының дамуына зор үлес қосты.
Ұстаздық және басшылық қызметтер атқара жүріп, қазақ тілінің тарихы, теориясы, стилистикасы, қазіргі қазақ көркем шығармаларының тілі, түркітану мәселелерін жүйелі зерттеп, 80-ге жуық ғылыми еңбек жазған. 1996 жылы «Баспасөз қызметіндегі публицистикалық стиль» тақырыбында кандидаттық, 2000 жылы «Қайталамалардың лингвостилистикалық жүйесі» докторлық диссертациясын әл-Фараби атындағы Қазақ ұлттық университетінің диссертациялық кеңесінде сәтті қорғап шықты. Оның «Жұбановтану», «Профессор Қ.Жұбанов», «Түркітану», «Қазақ тіліндегі қайталама категориясы», «Қайталамалардың лингвистикалық жүйесі» сынды еңбектері қазақ тіл білімінің алтын қорына қосқан құнды туындылары болып табылады.
Батыс Қазақстан инновациялық-технологиялық университетінің бастамасымен ұйымдастырылған конференцияның пленарлық мәжілісінде ғалыммен бірге еңбек еткен замандастары, одан тәлім алған шәкірттері, Нұр-Сұлтан, Атырау, Ақтөбеден келген әріптестері О.Бүркітовтің өнегелі өмір жолы мен тіршілікте жасаған жарқын істерін кейінгі ұрпаққа жеткізіп, кеңірек насихаттады.
Атап айтқанда, Батыс Қазақстан инновациялық-технологиялық университетінің профессоры, филология ғылымдарының докторы Мұрат Сабыр, Л.Гумилев атындағы Еуразия Ұлттық университетінің профессоры, филология ғылымдарныың докторы Жантас Жақып, Қ.Жұбанов атындағы Ақтөбе өңірлік мемлекеттік университетінің доценті, филология ғылымдарының кандидаты Нұрбол Сәдуақас, Х.Досмұхамедов атындағы Атырау мемлекеттік университетінің доценті, филология ғылымдарының кандидаты Жұмазия Әбдрахманова, Қ.Жұбанов атындағы Ақтөбе өңірлік мемлекеттік университетінің доценті, филология ғылымдарының кандидаты Сабыржан Мұхтаров, М.Өтемісов атындағы БҚМУ-дың профессоры, филология ғылымдарының докторы Ғабит Хасановтар мінбеге көтеріліп, Отарәлі Бүркіттің лингвофольклортану, лингвистикалық мұрасы және тұлғалық келбеті туралы әңгімеледі. Сондай-ақ ғалымның туған тіліміздің мәртебесін көтеруге қосқан еңбегі аталып, конференция тақырыбы аясында жаңа әліпбидің қолданысы, әлеуметтік коммуникацияда жастар субмәдениетінің тілі, еліміздегі тіл саясатының жүзеге асуы, тіл болмысын сақтаудағы ұлттық әліпбидің рөлі туралы баяндалды.
Туған жерінің тау тұлғалы ұлына құрметі айрықша. Бұған дейін ұлағатты ұстаздың ізгі ісін дәріптеу мақсатында өзі еңбек еткен М.Өтемісов атындағы БҚМУ-да профессор Отарәлі Бүркітов атындағы түркітану дәрісханасы ашылса, Орал қаласында көше атау берілді. 1990-2005 жылдары тұрған С.Есқалиев көшесі 120/1 мекенжайына құрмет тақтасы ілінді. Сонымен қатар артында қалған ғылыми еңбектері қайтадан жаңартылып, төрт топ болып шығарылды. Бүгінгі конференция да сол ізгі істердің жалғасы іспетті.
Елмұра АСХАТҚЫЗЫ
Версия для печати
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу