Кіру13 ИНВЕСТИЦИЯЛЫҚ ЖОБА СЫБАЙЛАС ЖЕМҚОРЛЫҚҚА ҚАРСЫ СҮЙЕМЕЛДЕНУДЕ
Батыс Қазақстан облысында «Protecting Business and Investments» жобасы аясында 13 инвестициялық жоба сыбайлас жемқорлыққа қарсы сүйемелденуде. Бұл туралы өңірлік коммуникациялар қызметі ақпарат алаңында өткен брифингте айтылды.
Жоба өткен жылдан бастап ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің БҚО бойынша департаменті мен «Kazakhinvest» АҚ-ның аймақтық өкілдігімен бірлесе жүзеге асырылуда.
Мақсат – сыбайлас жемқорлыққа қарсы сүйемелдеу бойынша жолыққан инвесторлар мен кәсіпкерлердің қызметіндегі әкімшілік кедергілер мен сыбайластық шығындарды жою.
Жобаны іске асыру механизмі инвесторды сыбайлас жемқорлыққа қарсы іс-қимыл туралы келісімге қол қою арқылы жүзеге асырылуда. Департамент келісімнің бір тарапы ретінде кәсіпкерді сүйемелдейді, оны 100% әкімшілік және сыбайлас жемқорлық тәуекелдерінен, лауазымды тұлғалардың жағымсыз іс-әрекеттерінен қорғайды және пайда болған мәселелерді Заң аясында шешеді.
Инвесторға қойылатын талап біреу – адал және белсенді бизнес, сондай-ақ салығын төлеу.
– Бұрын инвестор мемлекеттік органға жүгінген кезде жиі заңның коллизиясы, қақтығыстар мен қиындықтарға тап болып, әрқашан өздерінің құқықтары мен заңды мүдделерін қорғай алмады. Қазіргі кезде аймақтағы жобалық офис қызметкерлерінің консультациялық және ұйымдастырушылық қолдауы арқылы инвестициялық және бизнеске қатысты барлық мәселелер инвесторға жедел және заң шеңберінде шешуге мүмкіндік берді. Бұл қолдау ақысыз түрде беріледі, – дейді ҚР мемлекеттік қызмет істері және сыбайлас жемқорлыққа қарсы іс-қимыл агенттігі БҚО департаменттің Сыбайлас жемқорлық профилактикасы басқармасының басшысы Біржан Хайруллин.
Мемлекеттік органдармен өзара іс-қимылды жүзеге асыру кезінде сыбайлас жемқорлық құқық бұзушылықтарға ықпал ететін негізгі себептер мен жағдайларды атаған департаменттегі басқарма басшысы көбінесе, бейресми төлем мемлекеттік қызметкерлердің өз функцияларын дұрыс орындауы үшін кепілдік ретінде қабылданатынын, сондықтан мемлекеттік органдардың қызметінде клиентке бағдарлану болмайтынын айтты.
Жоба кеңсесі Орал қаласындағы Чагано-Набережная көшесі, 82 мекенжайы бойынша орналасқан. Жобаға жауапты тұлғалар бекітіліп, олар бизнес-жобаларды «қолмен басқару режимінде» жүргізуде. Олар бизнесті дамыту үшін туындайтын барлық бизнес-мәселелерді заңды түрде шешуге көмектесіп келеді.
Бүгінге дейін облыстық фронт-кеңсеге кәсіпкерлерден 13 өтініш түсіп, олардың 7-і оң шешілген. Жалпы сомасы 846 млрд. теңгеден асатын 13 инвестициялық жоба сыбайлас жемқорлыққа қарсы сүйемелденуде.
– Кәсіпкерлер мәселелерінің оңтайлы шешілген мысалдардың бірі – «Квант» ЖШС құны 1,5 миллиард теңгені құрайтын инвестиция үшін жиһаз фабрикасын салу бойынша жұмыс жобасын мемлекеттік сараптама алуына көмек көрсетілді. Сонымен қатар, «Ақжайық-Адалдық алаңы» жобасы шеңберінде телеграмм акаунтында STOP КОРРУПЦИЯ бот-сұхбаты іске қосылды, оның мақсаты тұрмыстық жемқорлықты жою үшін тиімді шаралар әзірлеу бойынша ұсыныстар жинақтау. Біз өз тарапымыздан сыбайлас жемқорлыққа қарсы сүйемелдеуге және бизнесті, инвестицияларды қорғауға кепілдік береміз және барлық инвесторлар мен кәсіпкерлерді сыбайлас жемқорлыққа қарсы сүйемелдеу туралы келісімге қол қоюға шақырамыз, – деді Біржан Марданұлы.
Кеңсеге 8 7112 51 01 94 байланыс телефоны арқылы хабарласуға болады.
Сондай-ақ сыбайлас жемқорлық фактілері туралы Агенттікке ресми хат жіберуге немесе Ұлттық бюроның және оның аумақтық бөлімшелерінің кезекші бөлімдеріне, аптаның 7 күнінде тәулік бойы жұмыс жасайтын 1424 call-орталықтарына хабарлауға мүмкіндік бар. Қоңырау шалу тегін.
Версия для печатиСоңғы жаңалықтар
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Пікір үстеу