Кіру100% жұмысқа орналастыру: Ozge Epic Oral сұранысқа ие аниматорларды қалай даярлайды
Биыл наурыз айында Орал қаласында «Самұрық-Қазына» компаниялар тобы атынан қайырымдылық жобаларды жүзеге асыратын Samruk-Kazyna Trust корпоративтік қорының қолдауымен Ozge Epic Oral креативті хабы ашылды. Жаңа кеңістік өңірдің креаторларын және талантты жастарды біріктіріп, Батыс Қазақстан облысындағы алғашқы анимациялық студияның жұмысын бастауына мүмкіндік берді.
Жаңа креативтік орталық шығармашылық пен сапалы білім беруді біріктірді. 23 білім беру бағыты бойынша 200 маман дайындықтан өтіп, өңірдегі кадр тапшылығын азайтуға атсалысты. Анимацияға ерекше назар аударылады: «Режиссер-аниматор» және «Мультипликация» бағдарламалары бойынша курс тыңдаушылары 100% жұмысқа орналасты.
Түлектердің бірі – Бибол Серікқалиев. Бағдарламаға қатысқанға дейін ол мектеп мұғалімі болып жұмыс істеді, алайда курстардан кейін 3D-анимацияны терең үйреніп, бүгінде OzgeEpic Oral командасымен бірге толық метражды анимациялық фильм жасауда.
«Қазір біз «Қанатты қыз – Хиуаз» мультфильмін жасау үстіндеміз. Ол Хиуаз Доспанованың балалық шағы туралы әңгімелейді. Курста мен 3D-модельдерді салуды, локацияларды жасауды және сценарий бойынша тұжырымдаманы құруды үйрендім. Бұл дағдыларды қазір фильм жұмысында қолданып жүрмін. Біздің облысымызда білім беріп қана қоймай, шығармашылыққа шабыттандыратын кеңістік пайда болғанына қуаныштымын», – деді ол.
Батыс Қазақстан облысы әкімінің орынбасары Қайыржан Мендіғалиев Ozge Epic Oral жобасының өңірдегі креативті индустрияны дамытудағы маңызын атап өтті.
«Samruk-Kazyna Trust қорының қолдауының арқасында облыста білікті мамандардың жаңа буыны қалыптасып келеді, ал жастар кәсіби өсу мен шығармашылық тұрғыдан өзін-өзі жүзеге асыруға нақты мүмкіндік алуда», — деді ол «Қайырымдылық. Сенім. Серіктестік» есептік форумында сөйлеген сөзінде.
Соңғы жаңалықтар
Ерлан Кошанов: наша задача – вовремя слышать и чувствовать настроения людей
Орал қаласында Даму және шығармашылық орталығының құрылысы басталады
Мемлекет басшысы Қасым-Жомарт Тоқаев жұмыс сапарымен Түрікменстанға барды
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
БҚО-да тазалық ережелерін бұзған 7 мыңнан астам адам жауапқа тартылды
Оралда жүргізуші куәлігінен айырылған азамат есірткіге масаң күйде көлік басқарған
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
Ведомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
