КіруЖЫЛЫТУ МАУСЫМЫНА ДАЙЫНДЫҚ
Жылыту маусымына орай Батыс Қазақстан облысының тұрғындары мен әлеуметтік нысандары отымен толық қамтамасыз етіледі. Жылыту қазандықтарды, электр қосалқы стансаларды және су құбырларын күрделі жөндеу бойынша жоспарлы жұмыстар толықтай атқарылған. Автономды қазандықтардың дайындығы 95,7 пайызды құрайды. Сумен қамту және су бұру желілері 95 пайызға, жылыту желілері 100 пайызға дайын.
Қазіргі таңда денсаулық сақтау саласының нысандары жылыту маусымына 100, білім беру нысандары 95,2 пайыз дайын. Бірқатар әлеуметтік нысан 25 қыркүйекте жылыту жүйесіне қосылған. Бүгінде көппәтерлі тұрғын үйлердің 95 пайызы гидравликалық сынақтан өткен. Көппәтерлі тұрғын үйлер және әлеуметтік нысандар 5 қазанға дейін 100 пайыз дайын болады. Тұрғындар және әлеуметтік нысандар отынмен толық қамтылған. Ауа райының болжамына сәйкес, алдағы 10 күнде орташа ауа температурасы +10 градустан жоғары болады. Облыс аудандары мен Орал қаласында электрмен жабдықтаудың автономды резервтік көздерін дайындау қамтамасыз етілген. Тәулік бойы жұмыс істейтін 72 апаттық бригада құрылды. Коммуналдық кешен нысандарында материалдық-техникалық ресрустардың азаймайтын резерві жинақталыпты.
Айнара ИСА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу