Кіру«ЖЫЛ ҮЗДІГІ – 2018» ЖАСТАР СЫЙЛЫҒЫ
Батыс Қазақстан облысында «Жыл үздігі» жастар сыйлығы байқауы он жылдан бері ұйымдастырылып келеді. Дәстүрлі байқаудың мақсаты – жастарды Отансүйгіштікке, еңбекқорлыққа тәрбиелеу, жастардың елдің қоғамдық-саяси, мәдени, экономикалық өміріне деген белсенділігін арттыру, дарынды жастарға қолдау көрсету. Биылғы жылы үздіктер 10 негізгі және екі арнайы аталым бойынша анықталады. Бүгін БҚО өңірлік коммуникациялар ақпарат алаңында өткен баспасөз мәслихатында БҚО бойынша «Болашақ» қауымдастығының директоры Салтанат Тұманбаева байқау шарттарын таныстырды.
Атап айтқанда, үміткерлер«Жас көшбасшы», «Студент», «Жас мұғалім», «Жас ғалым», «Өнерпаз жас», «Жас дәрігер», «Жас спортшы», «Жас маман», «Журналист», «Кәсіпкер» және «Қайсарлығы мен батылдығы үшін», «Жыл жаңалығы» аталымдары бойынша іріктеледі. Қатысушылар 14 пен 29 жас аралығындағы облыс жастары болуы тиіс (құжат тапсыру кезінде 28 жастан аспауы қажет). Қатысушылардың тек 2018 жылғы жетістіктері қаралады. Батыс Қазақстан облысы жастар премиясының жеңімпаздары арнайы құрылған комиссия шешімімен анықталмақ. Комиссия құрамында байқауды ұйымдастырушылар, әр салаға сәйкес сарапшылар, мемлекеттік мекемелер мен ұйымдар және бұқаралық ақпарат құралдарының өкілдері болады.
Алдыңғы жылдары бір аталым бойынша лауреат және дипломанттар анықталған болса, биыл тек лауреттар ғана марапатталады. Үздіктерге арнайы мүсін сыйлығы мен 100 мың теңге сыйақы беріледі.
Байқауға қатысу үшін құжаттар 7 желтоқсанға дейін Ж.Молдағалиев көшесі 19 мекенжайындағы «Болашақ» қауымдастығының кеңсесінде қабылданады. Үздіктердің есімі Тәуелсіздік мерекесі қарсаңында анықталып, салтанатты түрде марапатталады.
Эльмира НҰҒМАНОВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу