ҚР Ұлттық академиялық кітапханасы жыл сайынғы «Бір ел – бір кітап – 2019» республикалық акциясының қорытындысы жарияланғанын мәлімдеді.

2018 жыл соңына қарай 2019 жылдың «Бір ел – бір кітап» акциясын анықтауға дауыс беру әлеуметтік желіде жарияланған болатын. Аталмыш жобаны қорытындылау мақсатында облыстық, қалалық, жоғары оқу орындарының кітапхана басшылары мен қызметкерлері және оқырмандарының қалауымен «Бір ел-бір кітап –  2019» республикалық акциясының» қорытындысы бойынша жазушы Әбіш Кекілбаевтің «Аңыздың ақыры» романы мен ақын Әбділда Тәжібаевтің өлеңдерін оқу таңдап алынды. Сондай-ақ, акцияның шешімі республикалық акция комитеті мүшелерінің және өңірлерден келген кітапханалар басшыларының қатысуымен қабылданды.

Дереккөз: Abai.kz