КіруЖЫЛ БАСТАЛҒАЛЫ БҚО-ДА 54 ӨРТ ОҚИҒАСЫ ОРЫН АЛДЫ
2018 жыл ішінде Батыс Қазақстан облысында 697 өрт болып, онда 11 адам қаза болған. Шығынның жалпы соммасы 6 млн. 614 мың 327 теңгені құраған. Биылдың өзінде 54 өрт оқиғасы орын алған. Бұл туралы бүгін Батыс Қазақстан облысы Төтенше жағдайлар департаментінің дағдарыс орталығында өткен баспасөз мәслихатында БҚО ТЖД бастығы, генерал-майор Ж.Жұмашев мәлім етті.
– 2019 жылдың өткен кезеңінде БҚО аумағында 54 өрт болып, онда 3 адам қаза болды, қазіргі кезде өлімнің себебі анықталуда. Шығын соммасы 5 млн. теңгеден асты. Өрттерде жарақаттанған адам саны – 1. Қаза болған және жарақаттанған балалар тіркелмеді, – деді Ж.Жұмашев.
Жылыту кезеңі басталғалы қалалық төтенше жағдайлар басқармасы мен аудандық бөлімдер қызметкерлері, сондай-ақ өрт сөндіру бөлімшелерінің жеке құрамы 27 346 тұрғын үйлерге, шаруашылық құрылыстарына аула аралау шолуын жүргізді, оларда жылыту пештерін, газ жабдықтарын және электржылытқыш құрылғыларын тиісті өртке қарсы күйге келтіру бойынша жеке үй секторының 63 527 тұрғынына түсіндірме жұмысы жүргізілді, 127 мың жаднама мен ұсыныс таратылды. Халықтың 2373 адамын қамтыған 301 жиын өткізілді.
Батыс Қазақстан облысы ТЖД мемлекеттік тіл және ақпарат тобы
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу