Кіру«Журналист мамандығы – жауапты қызмет»
Осындай атаумен 23 қаңтар күні Қадыр Мырза Әлі атындағы облыстық мәдениет және өнер орталығында БҚО мәдениет, тілдерді дамыту және архив ісі басқармасының қолдауымен «Елеулі есімдер» жобасы аясында Мәдениет саласының үздігі, Ақпарат саласының үздігі, «Ақжайық» телеарнасының редакторы Гүлмира Тілеубаевамен кездесу кеші өтті.
Шарада танымал тұлға Қатимолла Бердіғалиевке алдымен сөз кезегі беріліп, жерлес ағасы кішкентай Гүлмираның балалық және студенттік шақтарынан естелік айтып берді.
Сол секілді БҚО қоғамдық даму басқармасы бастығының орынбасары Г. Шөкеева, БАҚ өкілдері – Б.Ғұбайдуллин, А.Ғұбашев, К.Қамбетовалар әріптесінің еңбегіне, отбасылық өміріне, деректі фильм түсірудегі редакторлық ізденісіне тоқталды.
Аталмыш кеште Казталов аудандық ішкі саясат бөлімінің басшысы Айша Әбешова, «АМАНАТ» партиясының өкілі А.Семғалиева және Тасқала аудандық филиалының төрайымы Л.Жұбанышқалиева Алғыс хат табыстады.
Сондай -ақ, «Қазақрадиосы» мен ҚАЗМҰУ-дағы курстастары құттықтауларын жолдады.Шарада Ғ.Құрманғалиев атындағы БҚО филармониясының әншілері Ж.Хасанова,М.Хайдарова,Д.Бақытова,Е.Өтегенов,А.Хайырхановтар әуелете ән шырқады. Ақын Айнабек Сағынтайұлы жүргізген кеш соңында Г.Тілеубаева көрермен қауымға, әріптестері мен 10 жылдық тарихы бар Қадыр сарай ұжымына алғысын білдірді.
«Жайық Үні»
Соңғы жаңалықтар
Жұмысшылардың мәртебесін арттырып, еңбегіне қоғамның назарын аудару қажет
