КіруЖолақы талқыланды
Бүгін, қазанның 12-сі күні қалалық әкімдіктің мәжіліс залында қоғамдық кеңестің отырысы болды. Жиынды ашып жүргізген қалалық кеңестің төрағасы Бауыржан Атауов күн тәртібіндегі қаралатын мәселелермен таныстырды.
Алдымен сөз сөйлеген Орал қаласы әкімінің орынбасары Асхат Құлбаев қала аумағындағы жолаушыларды әлеуметтік мәні бар тұрақты тасымалдау тарифтерін белгілеу жөнінде баяндады. Бұдан кейін қаладағы стационарлық емес сауда обьектілерін орналастыру орындарын және маршруттарын айқындау, бекіту туралы қалалық кәсіпкерлік және ауыл шаруашылығы бөлімінің басшысы Мейрам Хайров хабарлама жасады.
Жол ақысы жөнінде талқыланған мәселе бойынша қоғамдық кеңестің мүшелерінің пікірлері екі тарапқа бөлініп, нәтижесінде дауысқа салу арқылы қала ішіндегі автобустың жолақысы 120 теңге болады деген шешімге тоқталды.
Ал студенттерге арнайы жолақысының картасы даярланса, халықтың мынадай топтары тегін жол жүруге құқылы: «Алтын алқа», «Күміс алқа» алқаларымен наградталған немесе бұрын «Батыр ана» атағын алған, бірінші және екінші дәрежелі «Ана даңқы» ордендерімен наградталған көп балалы аналар. Жеті жасқа дейінгі балалар, бірінші топтағы мүгедектігі бар адамдар, ҰОС ардагері, Чернобыль атом электр станциясындағы зардаптарды жоюға және басқа мемлекеттердің аумағындағы ұрыс қимылдарына қатысқан азаматтарға жеңілдік болтыны айтылды.
Осы шешім қаулы алғаш ресми жарияланғаннан кейін күнтізбелік он күн өткен соң қолданысқа енгізіледі ,- деді қала әкімінің орынбасары Асхат Құлбаев.
Гүлжан АЯЗБАЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
