КіруЖол құрылысы 75 пайызға орындалды
БҚО әкімі Алтай Көлгінов 14 тамыз күні М.Мәметова көшесінде жүргізіліп жатқан автокөлік жолын күрделі жөндеу жұмысымен танысты.
Құны 581,7 млн. теңге болатын жобаны «ҚПО б.в» компаниясы қаржыландыруда. Жол құрылысы жұмыстарын «Nursat» ЖШС жүргізуде. Жөндеу сәуір айында басталған. Жолдың ені бұрынғысынан 2,5 метрге ұзартылыпты. Асфальт қалыңдығы – 11 см. Жоба бойынша қарашаның 30-ына дейін аяқтау көзделген. Дегенмен, учаске басшысы Бақтияр Қарабасов жауын-шашынға қалмай, құрылыс жұмыстарын қыркүйектің соңына дейін толық аяқтауды мақсат етіп отырғанын айтты.
Сондай-ақ өңір басшысына қаланың басқа аумақтарында жүргізіліп жатқан жол құрылысы жұмыстары туралы баяндалды. Қалалық жолаушылар көлігі және автомобиль жолдары бөлімінің басшысы Қайрат Мұхамбетқалиев мәлімдегендей, биыл қалада 37 нысан бойынша 50 шақырым жолды жөндеу жоспарланған. Ол үшін 7,5 млрд. теңге бөлінген болатын. Бүгінде жоспарланған жол құрылысының 75 пайызы орындалған. 11 нысанның жұмысы тәмамдалып, комиссия қабылдауынан өткен. 20 шақты нысанның жұмыстары 70 пайызға аяқталған. Алты нысан бойынша конкурстық жұмыстар биыл жүргізілген. Оларды аяқтау келер жылдың еншісінде.
Эльмира НҰҒМАНОВА
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу