КіруЖаңару күнін тойлады
19 наурыз – Жаңару күніне арналып, «КазИИТУ» ғылым-білім кешенінде «Әз-Наурыз» атты тақырыпта фестиваль өтті.
Мерекеге жиналғандар бір-бірімен қол алысып, төс қағыстырып амандасып, «Ұлыс оң болсын, Ақ мол болсын» деген тілек айтты. Мейрамның айрықша ерекшелігі – «Жалпы текникалық пәндер», «Экономика және менеджмент», «Экология ТҚ», Республикалық жоғары техникалық колледжі, «Техникалық пәндер», «Қоғамдық-гуманитарлық пәндер» кафедрасы салған қазақы пеш болды. Оқу ғимаратының ауласында қаз-қатар қойылған пештерде ұлттық тағамдар дайындалды. Осы сәт барша қонақтардың қызығушылығын тудырды.
Фестивальдің ашылу салтанатында «КазИИТУ» білім кешенінің құрылтайшысы, академик Ақсерік Әйтімов сөз сөйледі.
– Бұл күн ел мен әрбір қазақстандықтың өмірінде жаңа белестің басталуын білдіреді. Наурыз – ұлттың ұлы құндылығы. Қазақтың тұрмысы, дәстүрі, өмірі, спорты, мәдениеті, ұлттық киімі бәрі де осы мерекенің бойына сыйған. Күні кеше Атырау қаласында өткен Ұлттық Құрылтайда Мемлекет басшысы «Наурызнаманың» тұжырымдамасына оң пікір білдірген болатын. Сондықтан да жастар сіздерді, болашақта еліміздің өркендеуіне үлес қосатын азамат болады деген сенімдеміз,- деді А. Сарыұлы.
Бұдан соң Қазақстан инновациялық телекоммуникациялық жүйелер университетінің ректоры, облыстық мәслихат депутаты Әліби Баяхов та жылы лебізін жеткізді.
Ертеден келе жатқан асық ату, гір тасын көтеру, арқан тартыс секілді шымырлыққа, ептілікке баулитын спорт түрінен ерлер бақ сынасқан шарада әділқазылар алқасы
барлық кафедралардың арасында өткен этнофестивальдің жұмысын сараптап, ақшалай сыйлықтар табыс етті.
Гүлім НҰРҚАТ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
