Кіру«Жүзден бірінің ғана табысы миллионнан асады»
Ұлттық статистика бюросының мәліметінше, қазақстандықтардың шамамен 36%-ы 150 мың мен 300 мыңға дейін табыс табады.
Он жұмысшының үшеуінің айлық табысы 300-ден 600 мыңға дейін жетеді. Әрбір бесінші адам 70 мыңнан 150 мың теңгеге дейін алады. Ал 1,5% адам одан да аз айлық алып жүр. Халықтың жүзден бірі ғана бір жарым миллион теңге жалақыға жұмыс істейді.
Еліміздің орта деңгейдегі тұрғыны 250 мыңнан сәл көп ақшаға күн көреді. Алайда соңғы есептеулер бойынша орташа жалақы 365 мың теңгеден асты.
Сенатор Мәкежанов премьер-министр Смайыловқа берген өтінішінде 365 мың жалақы алатын адамның өзіне баспана алу қиын екенін айтты. Елімізде үйдің бір шаршы метрі орта есеппен – жарты миллион теңге. Сенатордың мәліметінше, үй алатындардың 80%-ы оны ипотекаға алады.
“Өткен жылдың өзінде тұрғын үйді жалға алу құны 30%-ға өсті. Мысалы, Алматыда бір шаршы метр тұрғын үйді жалдау құны шамамен 5 мың теңгеге тең. Яғни ауданы 40 шаршы метр пәтерді жалға алу бағасы шамамен 200 мың теңге болады. Бұл өте қымбат, сонымен қатар халықтың несиеленуіне әкеледі”, – деді депутат Сұлтанбек Мәкежанов.
Дереккөз: stan.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
