КіруЖүргізуші неге асықты?..
Кешеден бері Ақ Жайықтың мұғалімдері жайлы қайғылы хабар тарауда.
Ажалға себеп-баяғы жол апаты. Асығыстық! «Самара-Шымкент» автожолы бойында «Лада Ларгус» автокөлігі «DAF» жүк көлігімен соқтығысып, төрт мұғалім мерт болғаны белгілі.
БҚО білім басқармасы баспасөз қызметінің нақтылауынша, Орал қаласындағы №47 мектептің педагог-дефектологы, Бәйтерек ауданы Новенький мектебінің дефектологы және Казталов ауданы К.Меңдәлиев атындағы мектептің логопеді оқиға орнында тіл тартпай кетсе, Орал қаласы психологиялық-педагогикалық түзеу кабинетінің сурдопедагогы ауруханада дүниеден өткен.
Сонымен қатар, Орал қаласындағы №5 орта мектепте логопед болып жұмыс істейтін 27 жастағы қыз және Бәйтерек ауданы Үлкен Шаған мектеп-бөбекжай-балабақшасының педагог-дефектологы, 46 жастағы әйел жансақтау бөлімінде жатыр. Белігілі болғандай, Ақтөбеде білімін шыңдап, диплом алуға бара жатқан төрт мұғалім осылайша өмірден бір-ақ сәтте озды.
Жол қателікті кешірмейді. Сақтық шараларын ұмытпайық бауырлар!
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу