КіруӨЗГЕНІҢ КӨЛІГІН АЙДАП КЕТІП, ЖОЛ-КӨЛІК ОҚИҒАСЫНА ЖОЛ БЕРДІ
1 қазан күні түскі уақытта белгісіз тұлға №51 жалпы білім беретін орта мектептің қасында тұрған қара түсті «Хюндай Акцент» маркалы автокөлікті белгісіз бағытқа айдап кеткен. Осы аймақтағы кішігірім шаруаларын аяқтап, бейқам жүрген 1974 жылғы азаматша мектеп қасына жеткенде көлігінің жоқтығын байқап, лезде полицияға телефон соғып, айдалып кеткенін жеткізген. Шаған Пб жеке құрамы жұмылып, іздеуге кірісті.
«Хюндай» рөліне отырған жігіт көлікті зыңғыта желмен жарысып, бір шақырым ұзаған кезде рөлге ие бола алмай, өзге көлікке түйіскен. Сол екпінімен жол жиегіне түсіп, аударылған. Күдікті көліктен шығып, жанталаса ізін
жасырған.
Шаған Полиция бөлімінің КПб жедел уәкілдері оқиға орын алған күні көлікті іздеп, тапты. Ал, күдіктіні екі күннен соң ұстап, Шаған Полиция бөліміне жеткізді. 1996 жылғы, Ақжайық ауданының тұрғыны Б. есімді азамат қылмысын мойындады. Сонымен қатар, салон ішінен ақша ұрлаған.
Шаған Полиция бөлімі аталған факті бойынша көлікті айдап кету және ұрлық фактісімен 2 эпизодты қылмыстық іс қозғады.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу