КіруЗАШАҒАН КЕНТІ СУСЫЗ ҚАЛДЫ
Орал қаласында кәріз коллекторындағы апат салдарынан Зачаган кентінде су тоқтады. «Батыс су арнасы» ЖШС-ның баспасөз қызметінен түскен мәліметінше, кеше сағат 18.30 шамасында Зачаган кентіне қарасты Әзербайжан көшесіндегі кәріз коллекторы жарылған. Орал қаласы әкімдігі Саратов тас жолы бойындағы кәріз коллекторында да апатты жағдай орын алғанын мәлімдеді. Осыған байланысты Зачаган кентінде бүгін жергілікті сағат 11.00-ден бастап су беру уақытша тоқтатылды. Тұрғындарға суды тасымалдап беру ұйымдастырылуда. Қазіргі кезде кәріз коллекторында қалпына келтіру жұмыстары жүргізілуде. Зачаган кенті әкімінің орынбасары Нұрболат Мұхитовтың айтуынша, кент аумағындағы №6 емханаға, мектептер мен балабақшаларға, басқа да әлеуметтік мекемелерге су жинап алу жөнінде алдын ала ескертілген.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу