КіруҚЫС ҚАҺАРЫНА МІНДІ
Орал қаласына бір күн ішінде жарты айлық нормадан артық қар түсті. 26 желтоқсан күні қардың мол түсуіне байланысты коммуналдықтар да күшейтілген режимде жұмыс жасауда.
Орал қаласы әкімінің баспасөз қызметі хабарлағандай, бір тәулікте 5000 текше метр қар шығарылған. Ал жалпы 20 қарашадан бері 130 мың текше метр көлемдегі ұлпа қала сыртына шығарылған.
Бүгінде «Жайық Таза қала» ЖШС-ның 300-ге тарта қызметкері қар тазалауға жұмылдырылуда. 111 техника жұмыс жасауда. Бірінші кезекте әлеуметтік нысандарға баратын жолдар, орталық көшелер, қоғамдық көлік жүретін жолдар тазалануда.Бұдан бөлек ПИК өздеріне тиесілі үйлердің амағын қардан тазалауда.
Қала әкімдігі автокөлік жүргізушілерінен қар тазалап жүрген автоколлонналарға кедергі келтірмей, жол беруін сұрайды. Ал белгілінбеген орында заңсыз қалдырып кеткен иесі жоқ көліктер эвакуатормен арнайы айып тұрағына жөнелтіледі. Ол үшін белгілі мөлшерде айыппұл төлеуге мәжбүр болатыныңызды да ұмытпаңыз.
Елмұра АСХАТҚЫЗЫ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу