КіруЫҚСАНОВ КӨШЕСІНДЕ ЖӘРМЕҢКЕ ЖАЛҒАСУДА
Бүгін Ықсанов көшесі бойында дәстүрлі ауылшаруашылығы өнімдерінің жәрмеңкесі өтті.
Тауарөндірушілерге сауда орындары тегін берілді.
Жәрмеңкеге Бәйтерек, Қаратөбе, Тасқала, Теректі, Шыңғырлау аудандарының, Орал қаласы және қайта өңдеу кәсіпорындарымен барлығы 96 тауарөндіруші қатысты.
Жәрмеңкеде барлығы 3 бас жылқы еті, 16 бас сиыр еті, 27 000 дана жұмыртқа, 6,3 тонна картоп, 0,3 тонна қырыққабат, 0,7 тонна сәбіз, 0,6 тонна пияз, 3,7 тонна балық, сондай-ақ шұжық, сүт өнімдері жеміс-жидектер барлығы жалпы 2,9 млн. тенгеге сатылды. Жәрмеңкеде азық-түлік өнімдері әдеттегідей нарықтағы бағадан 15-20 пайызға төмен екінін байқадық. Мәселен, сиыр еті – 1200, жұмыртқа – 300, картоп 40-50 теңгеден сатылса, пияздың бағасы 120 теңге. Алма – 250, қызанақ – 600, қияр – 500 теңгеден сатылды. Әсіресе, базар құнынан 10-15 пайызға төмен, жаңа сойылған мал етін, картоп, пияз, жұмыртқа кезегіне тұрғандар қарасы қалың. Сондай-ақ жәрмеңкеде сүт өнімдері де сатылуда. Қымыз, айран, қаймақ, сары май, тары-талқанға сұраныс көп. Бірнеше жылдан бері жүйелі түрде жүзеге асырылып жүрген бұл бастама біріншіден, өңірлік тауар өндірушілердің өнімін өткізудің тиімді тәсілі болса, екіншіден, ел-жұрттың ақшасын үнемдеуге үлкен септігін тигізері сөзсіз.
Кәусар БАЙҒАЛИЕВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу