УРОЛОГИЯЛЫҚ ОТАЛАРДЫ ЖАСАУ ТӘЖІРИБЕСІМЕН БӨЛІСТІ

25 ақпан күні БҚО көпбейінді аурухананың базасында Ақтау қаласындағы «Софимед» медициналық орталығының жоғары санатты дәрігер-хирургы Мұхамеджан Нұрғазиев оралдық хирургтармен урологиялық оталарды жасау тәжірибесімен бөлісті.

5 лапароскопиялық операция жасалды. Хирург М.Нұрғазиев екі науқастың бүйрегінен кисталарды алып тастауға көмектесті. Бір науқастың несеп жолына тас жиналған болса, бір науқас жамбас-несепағар сегментінің құрылымдарындағы бұзылулар түскен болатын, ал тағы біріне гидронефроз диагнозы қойылған болатын.

Заманауи технологиялардың көмегімен операцияның жасалуы барысын оралдық хирургтар ғана емес, басқа өңірлердің де дәрігерлері бақылай алды. Трансляция зум-конференциясы арқылы жүргізілді. Мұхамеджан Есенгелдіұлы жүргізіліп жатқан операциялар туралы, оның нюанстарына назар аударып, сұрақтарға жауап берді. Сондай-ақ, операцияның жүргізілуі талқыланып, пациенттерді емдеудің ұқсас түрлеріне кеңес берілді. Бірлескен жұмыс нәтижесінде дәрігерлер ең аз жарақат алған науқастарға жедел түрде хирургиялық емдеу жүргізе алды, ал хирургтардың өздері білімдерін едәуір толықтырды.

«Шеберлік сабақтарын өткізу және мессенджерлер арқылы хабар тарату тәжірибесі дәрігерлердің бірлесіп жұмыс жасауына және ой-өрістерін кеңейтуге мүмкіндік береді. Бұл – БҚО облыстық денсаулық сақтау басқармасы облыс тұрғындарына медициналық көмек көрсету сапасын арттыру бойынша жұмыс формаларының бірі. Дәрігерлерге арналған осындай біліктілікті арттыру курстары Оралда және басқа медициналық ұйымдарда өткізіледі. Біздің қалаға мамандарды шақырып қана қоймай, республикалық, халықаралық конференцияларға қосылуға жағдай бар. Мысалы, бүгін БҚО медициналық қызметкерлері вирустық инфекция бойынша кореялық әріптестермен онлайн режимінде сөйлесу мүмкіндігіне ие болды. Вебинар барысында жетекші кореялық сарапшылардың қатысуымен COVID-19-бен күресу бойынша тәжірибе алмасу өтті. Орыс тіліне аударма бір мезгілде жүзеге асырылды. Пікірталастың негізгі тақырыптары COVID-19-ды диагностикалау, клиникалық көрінісі және емдеу тақырыбында өтті. Әсіресе балалардағы КВИ жағдайы ерекше назарға алынды» деп мәлім етті БҚО денсаулық сақтау басқармасының баспасөз қызметі.

zhaikuni.kz

Версия для печати