КіруТОЛЫҚ ТЕКСЕРУ ЖҮРГІЗБЕУ ҮШІН ҚОЖАЛЫҚ БАСШЫЛАРЫНАН ПАРА АЛҒАН
31 наурыз күні БҚО Сыбайлас жемқорлыққа қарсы қызметі Қазталов ауданы басшылығының қатысуымен «БҚО Қазталов ауданының кәсіпкерлік және ауыл шаруашылығы бөлімі» ММ бас маманы А.Г.Ғизатуллинге қатысты қылмыстық іс бойынша ҚР ҚПК-нің 200-бабы тәртібімен енгізілген ұсыным қашықтықтық байланыс құралдарын пайдалана отырып қарады.
Ол 2018 жылы ауданның шаруа қожалықтарының кедергісіз субсидия алуына көмек көрсеткені үшін, жайылымдарды суландыру инфрақұрылымын құру және мал шаруашылығын сумен қамтамасыз ету шығындарын өтеу бойынша қызметтік өкілеттігін асыра пайдалану, салғырттық және шаруа қожалықтарының басшыларынан жалпы сомасы 390 мың теңге пара алды деген күдікке іліккен еді.
Ағымдағы жылдың 30 наурызында БҚО Қазталов аудандық сотының үкімімен Ғизатуллин өмір бойы мемлекеттік қызметпен айналысу құқығынан айырыла отырып, 7 жыл және 6 ай мерзіміне бас бостандығынан айырылды. Бүгінгі күнге үкім заңды күшіне енген жоқ.
Ғизатуллиннің қылмыс жасауының себебі мен шарттарына себеп болған жағдайлар анықталды. А.Г.Ғизатуллин 2018-2019 жылдар аралығында мекеме басшысының бұйрығымен Қазталов ауданы бойынша инвестициялық салым нысандарын тексеру бойынша мамандар тобының мүшесі болды.
Ғизатуллин «2017-2021 жылдарға арналған ҚР агроөнеркәсіптік кешенін дамыту» мемлекеттік бағдарламасы шеңберінде №4 паспорт бойынша объектілерді тексеру барысында кейбір шаруа қожалықтарында құдықтың тереңдігін өлшеп, ұңғымаға жүгі бар арқанды түсіріп, содан соң құдыққа түсірілген арқанның ұзындығын өлшеп, осылайша құдықтың нақты тереңдігін орнатқан. Содан кейін құдықтың тереңдігінің сәйкессіздігін анықтаған, бұл ретте шаруа қожалықтарынан пара алып, актіде құдықтарды субсидия алуға сәйкес деп көрсеткен. Сонымен қатар, барлық шаруа қожалықтарында Ғизатуллин тереңдіктерді өлшемеген, тек сыртқы тексеру және судың бар-жоғын тексерумен шектелген.
Мемлекеттік қызметшілердің сыбайлас жемқорлық қылмыс жасауы азаматтардың мемлекеттік билікке деген сенімін төмендетеді және теріс имиджді қалыптастырады.
Жоғарыда аталған қылмыстық құқық бұзушылық жасауға ықпал еткен жағдайларды жою жөнінде шаралар қабылдау мақсатында облыс әкімі аппаратына ҚПК-нің 200-бабы тәртібінде тиісті ұсыным жіберілді.
Сонымен қатар, тиісті бақылаудың жоқтығы және бағыныштылармен профилактикалық жұмыстардың әлсіздігі үшін «БҚО Казталов ауданының кәсіпкерлік және ауыл шаруашылығы бөлімі» ММ басшылығын тәртіптік жауапкершілікке тарту туралы мәселені қарау ұсынылды.
БҚО Сыбайлас жемқорлыққа қарсы қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу