Кіру«THE BEST FOR YOU»
Осындай атаумен А.Островский атындағы драма театрында «TALANT.SHABYT.TALAP» форумының аясында қайырымдылық көрме-жәрмеңкесі ұйымдастырылды.
Театр фойесінде қосымша білім беру мекемелерінің тәрбиеленушілерінің қолынан шыққан сәндік-қолданбалы өнер шығармашылығы және бейнелеу өнері бұйымдарынан қайырымдылық жәрмеңкесі өтті. Жәрмеңке барысында 100-ге жуық туындылар ұсынылып, 98 000 теңге қаражат түсті.
Жәрмеңкеден соң қосымша білім беру саласының 100 жылдығына арналған мерекелік салтанатты концерті өтті. Кеш шымылдығы Орал қаласы білім мекемелерінің вокал топтары мен хореографиялық ұжымдарынан құралған сазды-хореографиялық қойылыммен басталып, атақты термешілердің орындауында ақын Талап Таймасұлының сөзіне жазылған қосымша білім беру педагогтеріне арнаған арнауымен жалғасын тапты. Салтанатты шараға қатысқан облыстық білім басқармасының басшысы Ш.Қадырова ғасырлық тарихы бар қосымша білім саласының қызметкерлерін мейраммен құттықтап, облыс әкімінің атынан алғыс хаттар мен білім басқармасының атынан бірқатар қызметкерлерді құрмет грамоталарымен марапаттады.
Сонымен қатар «The Best for you» қайырымдылық жәрмеңкесінен түскен қаражатты ерекше қамқорлықты қажет ететін №4 ЖББОМ оқушысы Тұрарбек Маратқа табыстады.
Салтанатты шара мерекелік концертке ұласты.
БҚО БІЛІМ БАСҚАРМАСЫ БАСПАСӨЗ ҚЫЗМЕТІ
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу