КіруТұғырынан таймаған Талап!
Бүгін 26 наурыз күні Қадыр Мырза Әлі атындағы мәдениет және өнер орталығында «Елеулі есімдер » жобасы аясында Қазақстан және Қырғызстан Жазушылар Одағының мұшесі, ақын- ұстаз Талап Таймасұлымен «Жырым – мидағы жасын, жүректегі шуақ…» атты тақырыпта кездесу кеші өтті.
Шарада «Айналайын» атты кітабының тұсауы кесілді. Алдымен БҚО мәдениет, тілдерді дамыту және архив ісі басқармасы басшысының орынбасары Ж.Нигметуллин жылы лебізін айтып, облыс әкімі Н.Төреғалиевтың Алғыс хатын табыстады.
Бұдан соң «Айналайын» жаңа кітаптың лентасын БҚО жазушылар Одағы филиалының төрағасы Б.Ғұбайдуллин мен «Қаратөбе ауданының құрметті азаматы» Т.Сағынов қиды. Бұдан соң үзеңгілесі Б.Ғұбайдуллин жүрекжарды тілегін арнап,»Ақжайық» шипажайына тегін жолдама тарту етті.
Жылы шырайлы жүздесуде ақын – ұстаз өзінің өмірбаяны мен шығарғашылығы жөнінде әңгімелеп берді.
Одан әрі өзі жетекшілік ететін «Ақберен» жас ақындар мектебінің ақындары Талап Таймасұлының өлеңдерін мәнерлеп оқыса, әншілер М.Хайдарова, Р.Хафизов, Н.Исламғалиевтер ақынның өлеңдеріне жазылған әндерді шырқады.
Кездесудің соңында Т.Таймасұлы жүздесуге келген қонақтар мен жерлестеріне алғысын айтып, жас ақындарға «Айналайын» кітабын сыйлады.
«Жайық үні»
Версия для печатиСоңғы жаңалықтар
«Әлеуметтік желіде жазылған пікірлерге жауапкершілікпен қарауымыз керек»,- деді Президент кеңесшісі
