КіруТүрмеге есірткі кіргізбек болғандар сотталды
БҚО мамандандырылған қылмыстық сотында №28 түзету мекемесіне есірткі кіргізбек болған Жайлықанов, Жалғасбаев, Хангереев, Рақишевке қатысты айыптау үкімі оқылды.
Олар 11 жылдан – 14 жылға дейінгі мерзімге бас бостандығынан айырылды. Жалғасбаев Жасдәурен 2013 жылы адам өлтіру, заңсыз қару жасау сынды аса ауыр қылмыстарға қатысы бар деп айыпталып, сотталыпты.
Ол жазасын өтей отырып, түзету мекемесіндегі сотталғандарға есірткі тектес заттарды тасымалдау шараларын ұйымдастырмақ болған. Бұл іске ол түзету мекемесіндегі қызметкер (күзетші) Жайлықанов Бекболатты тартып, оған 10 мың теңге пара берген. Және Ракишев Асылбек пен Хангереев Анарбекті өзінің қылмыстық ісіне араластырған.
Оған сот 14 жыл түпкілікті бас бостандығынан айыру жазасын кесті.Бұл қылмыстық іс алдын ала сөз байласу арқылы жасалмақ болған. Хангереев Анарбек тасымалдаушы қызметін атқарса, Ракишев Асылбек есіркі тектес заттарды тапқан.
Судья Хангерревке 11 жыл, Ракишев Асылбекке 12 жыл мерзімге жаза кесті. Ал сотталушылар үкіммен келіспейтіндерін жеткізді.Үкім әлі заңды күшіне енген жоқ.
Айнара ИСА
Версия для печатиСоңғы жаңалықтар
«Әлеуметтік желіде жазылған пікірлерге жауапкершілікпен қарауымыз керек»,- деді Президент кеңесшісі
