КіруТҮЛЕКТЕРГЕ БАТА БЕРДІ
«Орал» орталық мешітіне қалалық мектеп бітіруші түлектері арнайы келіп, дұға тілеп, бас имамның батасын алды. Бұл туралы ҚМДБ-ның БҚО бойынша баспасөз қызметі хабарлады.
Бақытжан қажы түлектерді жылы шыраймен қарсы алып, білімнің артықшылықтарына тоқталып, ел ертеңі мен болашағының жарқын болуы білімді жастардың қолында екенін айтты.
«Он бір жыл жиған білімдеріңізді сын тезіне салатын сәт те жетті. Асыл дінімізде мұсылман баласының білім-ғылым игеруі парыз болып саналады. Қасиетті Құран кәрімде Алла Тағала «Білетіндер мен білмейтіндер тең бола ала ма?» десе, ардақты пайғамбарымыз Мұхаммед (с.ғ.с.) «Білім алу – әрбір мұсылманға парыз» деп, үмметіне ілім игеруді насихат еткен. Сол себепті де өз уақытын аямай, өзгенің бақытын аялаған ұлағатты ұстаздарыңыздың еңбегін еш етпей, мерейін өсіріңіздер. Білім жолындағы сапарларыңыз сәтті болғай» деп, өңірдің бас имамы Жаратқаннан жақсылық тілеп, түлектерге ізгі лебізін білдірді.
Бас имам Бақытжан Құралбайұлы қасиетті Құран аяттарын оқып, дұға жасап, жас өрендерге ақ батасын берді.
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу