КіруТҮЛЕКТЕР НАЗАРЫНА! ПОЛИЦЕЙ БОЛҒЫҢЫЗ КЕЛСЕ…
Батыс Қазақстан облысының Ішкі істер департаменті Қазақстан Республикасы Ішкі істер министрлігінің білім беру ұйымдарына 2019/2020 оқу жылына талапкерлерді іріктеу жұмысы басталғанын жариялайды.
Оқуға жалпы орта, орта-техникалық немесе арнайы кәсіптік білімі бар, ішкі істер органдары қызметкерлеріне қойылатын талаптарға сай келетін, денсаулығы бойынша әскери қызметке және оқуға жарамды жастарды шақырамыз. Жасөспірімдердің бойы – 170 см.-ден, қыздардың бойы – 160 см.-ден төмен болмауы тиіс.
Қазақстан Республикасы ІІМ-нің оқу орындарына 4 жылдық оқу мерзімі бойынша Қарағанды академиясы жатады. Бітірушілер арнайы «Құқық қорғау қызметі» мамандығын алып шығады:
Қазақстан Республикасы ІІМ Қарағанды академиясы:
- ІІО сотқа дейінгі тергеу,
- ІІО жедел-криминалистикалық қызметі.
Оқуға түсу үшін таңдаулы пәндер: «Дүниежүзі тарихы» және «Адам. Қоғам. Құқық». ІІМ ЖОО түсуге конкурсқа қатысу үшін ҰБТ немесе КТА-дан 50 балдан кем жинамау керек, соның ішінде әр пән бойынша 5 балдан кем болмауы тиіс, профильді пәндерді қосқанда.
Оқуға түскеннен кейін курсанттардың оқуы, тамақтануы, киім-кешегі және демалыс мезгіліндегі жол ақысы мемлекет атынан толық қамтылады (ақысыз). Оқуды аяқтағаннан кейін бітіруші курсанттар міндетті түрде қызметке алынады және оларға «полиция лейтенанты» атағы беріледі.
Құжаттарды қабылдау 2019 жылдың 1 ақпанынан басталды.
Алғаш рет келушілер өздерімен бірге:
– өзінің жеке куәлігі мен туу туралы куәлігінің тұпнұсқасын және нотариалды расталған көшірмелерін;
– отбасы мүшелерінің әрқайсысына: жеке куәлік және туу туралы куәліктерінің көшімесін;
– 3,5 х 4,5см өлшемді фото – 8 дана, 9 х 12 см өлшемді фото – 1 дана (костюм, галстук).
Анықтама алу үшін мына мекенжайға хабарласыңыз:
БҚО Орал қаласы, Пугачев көшесі, 45-үй, 435 – кабинет, тел: 98-42-85. Интернет-ресурсы: http://mvd.gov.kz/portal/page/portal/zko/ZKO
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу