КіруСібір жарасы көмінділерін тексерді
Батысқазақстандық ветеринар мамандар эпидемиологиялық қызметпен бірлесіп Сырым ауданындағы су басқан үш сібір жарасы көміндісі орналасқан жерді тексерді.
БҚО ветеринария басқармасының баспасөз қызметінен мәлім еткеніндей, бетондалған саркофагтар мен қоршаулардың тұтастығы бұзылмағаны анықталды.
«Орал обаға қарсы станциясы» ММ Жымпиты бөлімшесінің мамандары осы көмінді орындарынан топырақ сынамаларын алды.
Басқармадан түскен мәліметке қарағанда, сынамалар топырақта сібір жарасы спораларының болуын зерттеу үшін «Ветеринария жөніндегі ұлттық референттік орталыққа» жіберілетін болады.
Сондай-ақ облыс бойынша 8 мал қорымы су астында қалса, соның үшеуі Бөрлі ауданында, біреуі Қаратөбеде, үшеуі Сырымда, біреуі Теректіде орналасқан. Мал қорымдары жұқпалы емес аурулардан өлген жануарларды көмуге арналған. Сол себепті мал қорымдарын су басқан жағдайда да ауру таралмайды.
«Қазіргі уақытта ветеринар мамандар мен жергілікті атқарушы органдар мал қорымдарын тексеріп, су тасқыны кезінде өлген жануарлардың өлекселерін көмуді жүргізіп жатыр. Барлық іс-шаралар жүргізілгеннен кейін мал қорымдарының аумағын дезинфекциялау жұмыстары атқарылады. Сондай-ақ ветеринар мамандар жануарлардың аса қауіпті ауруларына, мысалы, сібір жарасы мен қарасанға, құтыруға және басқа да ауруларға қарсы жоспарлы профилактикалық іс-шаралар жүргізеді», – деп хабарлады ведомстводан.
Дереккөз: kazinform.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
