Кіру«ШАҢЫРАҚТАҒЫ» НАУРЫЗ ТОЙ
Наурыз мерекесі қарсаңында қалалық мәслихат депутаттары Валерий Крылов, Ләззат Рысбекова, жеке кәсіпкерлер Галина Хайруллина, Қабден Бекқалиев «Шаңырақ» жасөспірімдер үйі тұрғындарын Ұлыстың Ұлы күнімен құттықтап, сый-сыяпаттарын үлестірді.
Шат-шадыман мереке аясында балалар тұсау кесу, бесікке салу рәсімдерін тамашалап, мәре-сәре болса, «ҚазИИТУ» ғылыми-білім кешенінің белсенді студенттері түрлі өнерлерін ортаға салып, жатақхана тұрғындарын тәнті етті.
Жетімдер үйінде өсіп, кейін өзара отбасын құрған жандар жатақхана үлгісіндегі «Шаңырақ» жасөспірімдер үйін паналайды. Мұндағы 115 тұрғынның 35-і отбасылы, 15-і жалғызбасты ана, 65-і бүлдіршіндер. Сондықтан да дәстүрлі мерекеде демеушілердің келуіне балғындар мәз. «Шаңырақ» жасөспірімдер үйінің меңгерушісі Өмірбай Қалымбетовтың айтуынша, мұндағы жағдай бәз-баяғысынша, ғимарат әбден ескірген, орын тар, бала саны жыл санап артып келеді. Ағымдағы жылы күрделі жөндеу жасалады деген үміт бар.
Әр мереке сайын балғындарға шат мереке сыйлап жүрген «Нұр» балалар үйі мен мектеп-интернат түлектерінің Батыс Қазақстан Одағы» қоғамдық бірлестігінің төрағасы Геннадий Франк бір кездері өзі де балалар үйінде өскенін, сол себепті мұндағы тұрғындардың жағдайын түсінетінін тілге тиек етті. Ал жатақхана тұрғындары жомарт жандарға алғыстарын білдірді.
Кәусар БАЙҒАЛИЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу