КіруСалтанатты сәтке бөлеп жас жанды, мектептердің қоңырауы соғылды
Бүгін, 1- қыркүйек-Білім күніне орай Орал қаласындағы эстетикалық бағыттағы гимназияда «Мектебім- мейірім мекені» тақырыбында алғашқы қоңырауға арналған салтанатты жиыны өтті. Жиында облыс әкімінің орынбасары Бақытжан Нарымбетов барша шәкірттер мен мұғалімдерді құттықтап, сөз сөйледі.
-Құрметті, ата- аналар, ұстаздар, оқушылар Білім күні құтты болсын! Осы ретте облыстағы білім ұяларында 125 мыңнан астам оқушы мұғалімдер тарапынан дәріс алатын болса, 12 мыңнан астам оқушы алғаш рет мектеп партасына отырады. Осынау айтулы мерекеде баршаңызға толағай табыс, жетістіктер тілеймін!-деді Бақытжан Хаберұлы. Бұдан соң аталмыш гимназияның директоры Әлия Қайыржанова:- Ертеңгі күн бүгінгі ұрпақтың білімі мен тәрбиесіне төгілген тердің өлшемімен таразыланады. Сондықтан ел ертеңінің жарқын болуына, сауатты да салауатты ұрпақ қалыптастыруда білім сапасы қашан да маңызды. Алғаш рет мектеп табалдырығын аттаған бүлдіршіндер үшін оқу құралы-«Әліппе» кітабы зейінін ашсын!-деді.
Одан әрі 11 сынып оқушылары 1 сынып оқушыларына «Әліппе» кітабын табыстап, өлең жолдары мен жүрекжарды тілектерін арнады.
Г. АЯЗБАЕВА
Бұл туралы «Жайық үні» газетінен оқи аласыздар.
Соңғы жаңалықтар
«Құқықтық тәртіп» республикалық жедел-профилактикалық іс-шарасы жүруде
Kөмірді өндіру мен барлау бойынша үздік 10 елдің қатарына кіреміз
Оралда полиция тұрғындардың мүлкін ұрлаумен айналысқан күдіктіні құрықтады
Бәйгеден Дүниежүзілік көшпенділер ойындарына қатысатын жылқылар белгілі болды
