КіруСақтандыру жүйесі қосылған уақытта қант диабеті мен гепатитке медициналық көмек шектелмейді
Уақыт өте келе саумын деп санайтын адамның өзі медициналық көмекке жүгінуге мәжбүр болады. Сондықтан мемлекет кезең-кезеңмен міндетті әлеуметтік медициналық сақтандыруды енгізуде. Біздің елде міндетті әлеуметтік медициналық сақтандыру жүйесі ынтымақтастық принциптері негізінде жасақталуда. Әрбір азаматтың денсаулығы енді адамның өзіне, жұмыс берушіге және мемлекетке жүктеледі. Жарнадан түскен қаражат бәріне ортақ жауапкершілік негізінде бөлінетін болады. Медициналық көмек көлемі қорға аударылатын жарна сомасына тәуелді болмайды. Тек бұл аударымның тұрақты жүргізіліп тұрғаны маңызды. Міндетті әлеуметтік медициналық сақтандыру жүйесі 2020 жылы еңгізіледі деп күтілуде.
«Тегін медициналық көмектің кепілді көлемі аясында берілетін көмек түрлері және сақтандырылған азаматтарға медициналық сақтандыру жүйесінің шеңберінде ұсынылатын қызметтер туралы айтатын болсақ, 2020 жылдан медициналық қызметтердің екі түрлі пакеті ұсынылатын болады. Бірінші пакет – бұл тегін медициналық көмектің кепілді көлемі аясында берілетін көмек түрлері, ол ҚР барлық тұрғындарына және республика аумағында тұрақты тұратын тұлғаларға ұсынылады, екіншісі – сақтандырылған азаматтарға медициналық сақтандыру жүйесінің шеңберінде қызметтер тізімі ұсынылатын болады», – дейді «Медициналық-әлеуметтік сақтандыру қоры» БҚО филиалының директоры Нұржамал Шамғонова.
Жақын арада, атап айтсақ, 2018 жылдың қазан айында ҚР Парламентінде Үкімет ұсынған түрлі заңнамаларға түзетулер енгізілгенің айтқым келеді, соның ішінде медициналық сақтандыру жүйесіне қажет, көптен күткен жаңартылған Тегін медициналық көмектің кепілді көлемі шеңберінде және Міндетті әлеуметтік медициналық сақтандырудын пакеттеріде мақұлданды.
Тегін медициналық көмектің кепілді көлемі шеңберінде қажетті медициналық көмек ҚР-да тұратын барлық азаматтарға, оралмандарға, шетелдіктерге және азаматтығы жоқ адамдарға көрсетілетін болады. Оған жедел жәрдем және санитарлық авиация, алғашқы медициналық-санитарлық, шұғыл стационарды алмастыратын және стационарлық, паллиативтік көмек түрлері, сондай-ақ әлеуметтік маңызы бар аурулар (туберкулез, онкология, СПИД, психикалық аурулар) кезіндегі медициналық қызметтерді қамтитын болады. Ал міндетті әлеуметтік медициналық сақтандыру жүйесіндегі медициналық көмек түрлері, олар: консультациялық-диагностикалық, амбулаториялық дәрі-дәрмекпен қамтамасыз ету, стационарды алмастыратын көмек, жоспарлы стационарлық көмек, медициналық оңалту және тағы басқалары.
Осы түзетулердің қабылдануына байланысты мынадай нәтижелер күтіледі: алғашқы медициналық және шұғыл медициналық қызметтеріне жүктемені төмендету, медициналық көмектің қолжетімділігін нығайту, ал медициналық ұйымдар үшін медициналық қызметтер нарығының ашықтығын арттыру.
«Ал қант диабеті, вирустық гепатит сияқты аурулар динамикалық бақылауға алынып, дәрігердің қадағалуымен науқас өзін өзі тексерістен қалмай, дәрілерін уақтылы ішіп, медициналық талдаулардан өтіп алғашқы медициналық – санитарлық көмек беретін емханада есепте болатын болады», – деді Нұржамал Шамғонқызы.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу