КіруСақшылар спорт алаңында
23 маусым – Қазақстан полициясының күніне орай «Парк» спорт кешенінде басқармадағы барлық құрылымдық бөлімшелер арасында шағын футболдан жарыс өтті.
Облыстық «Динамо» спорт және денешынықтыру қоғамы мен Орал қ.ПБ бірлесе ұйымдастырған спорттық шараға алты команда қатысты. Сәрсенбідегі жарысты тамашалауға тәртіп сақшыларының отбасы мүшелері, тума-туысқандары және жанкүйерлері жиналды. Тәуліктің алғашқы жартысында шағын футболдан турнир басталып, мини- футбол қызу тартысты өтті.
Орал қаласы полиция басқармасының командасындағы жас жігіттер ерекшеленіп, алаң ортасында доп қуудан І орынды ешкімге бермеді. Абай полиция бөлімінің сақшылары да қарсылас команданың қақпасына екі еселеп доп соғып, қақпашыны шеберліктерімен таң қалдырды. Қақпаға көп доп соққан Орал қ.ПБ командасы І орынды жеңіп алды.
Абай полиция бөлімінің командасы ІІ орынмен жеңіс тұғырына шақырылды. ІІІ орын Орал қ.ПБ Патрульдік полиция батальонының командасына берілді.
Жеңіске жеткен комадалар мен түрлі номинацияға қол жеткізген сақшыларға Орал қ.ПБ бастығының орынбасары, полиция подполковнигі Жеңіс Нұрмұханов пен облыстық «Динамо» спорт және дене шынықтыру қоғамы төрағасының орынбасары Артем Мироненко «Динамо» қоғамы атынан кубоктар, бағалы сыйлықтар тапсырды.
Өз тілшіміз
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу