КіруРОМАН – ӘЛЕМ ЧЕМПИОНЫ
Өрт сөндіру және құтқару спорты бойынша Қара теңіз жағалауындағы Болгария Республикасы Варна қаласында өткен қыздар мен жасөспірімдер арасындағы VIII әлем чемпионатында жерлесіміз Роман Адрющенко әлем чемпионы атанды.
Чемпионат қыркүйек айының 25 мен 30 аралығында өтті. Сайыскерлер өрт сөндіру және құтқару спортының төрт түрі бойынша бақ сынасты. Атап айтқанда, оқу мұнарасының екінші және үшінші қабатына шабуыл сатысымен көтерілу, тосқауылдары бар 10 метрлік жолақты жүгіріп өту, 4х100 метр өрт эстафетасы, өрт сөндіру мотопомпасынан жауынгерлік қанат жаю (өрістеу). Бұл жауынгерлік шабуыл бойынша Қазақстан Республикасының ұлттық құрамасында жауынгерлік шабуылға қатысқан жерлесіміз Роман Андрющенко 20.17 сек. уақытта келіп, үздік нәтиже көрсетті.
Отанға келісімен оны теміржол перронында туғандары мен жақындары, сондай-ақ, Қызмет бастығының орынбасары, азаматтық қорғау майоры Мұрат Баев қуана әрі құшақ жая қарсы алды.
Орал газ, мұнай және салалық технологиялар колледжінің 1 курс студенті Роман Андрющенко осындай жас шағында әлем чемпионы атағының иегері болды.
Жас жеңімпазға спорттағы жолына толағай табыстар тілеп, халықаралық ареналарда ел мерейін асқақтата беруін тілейміз.
«Батыс Қазақстан облысы
Төтенше жағдайлар департаменті
Өрт сөндіру және авариялық-құтқару жұмыстары қызметі» ММ
Мемлекеттік тіл және ақпарат тобы
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу