КіруҰрланған автокөлік иесіне қайтарылды
10 қазан күні сағат 07:40 кезінде Орал қалалық полиция басқармасының кезекші бөліміне Жамбыл көшесінің бойындағы көп қабатты үйлердің ауласына тұраққа қойылған «Ауди» маркілі автокөлікті белгісіз біреулердің айдап әкеткені туралы хабарлама түседі.
Көлік жүргізушісі – 1961 жылы туған Орал қаласының тұрғыны кешкісін жұмыстан кейін әдеттегідей көлігін өз ауласындағы автотұраққа қойғанын жеткізді.
Хабарлама түскен бойда аталған көлікті іздеп, ұстау үшін Орал қалалық полиция басқармасының патрульдік қызмет жасағына бағдар беріліп, іске кірісті.
Жедел-іздестіру іс-шарасы нәтижесінде Орал қ.ПБ патрульдік полиция батальонының экипажы оқиға орнынан онша қашық емес жерде автокөлікті байқап, тоқтатады. Мұндай қылмысқа барған қаскөйлер жасырынбақшы болған, алайда үлгермей, тез арада тәртіп сақшыларының қолына түсті.
Автокөлікті ұрлағандар 2006, 2005 және 2003 жылы туған үш жас жігіт екені белгілі болды. Олар көліктің есігі құлыптанбағанын байқап ішіне жылыну үшін отырады, алайда тұтату кілтінің барын көріп, ойлары өзгереді. Десе де, көп ұзамай тәртіп сақшыларының қолына түскен. Қазіргі уақытта автокөлік иесіне қайтарылып берілді.
Ұсталғандарға қатысты ҚР ҚК-нің 200-бабы 2-бөлігіне (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) сәйкес сотқа дейінгі тергеп-тексеру жұмыстары басталды.
Орал қ. ПБ баспасөз қызметі
Версия для печатиСоңғы жаңалықтар
2026 жылдың І тоқсанының қорытындысы: Ақпараттық шабуылдар жаңа технологиялық деңгейге шықты
Қазақстан мен Өзбекстан президенттері Бұхараның тарихи орындарын аралап көрді
Шавкат Мирзиёев Қасым-Жомарт Тоқаевқа бірқатар тарихи құжатты тапсырды
БҚО-да «Таза Қазақстан» акциясы аясында бір күнде 423 жерде 760 тонна қоқыс жиналды
🇰🇿🇺🇿Мемлекет басшысы Қасым-Жомарт Тоқаев Өзбекстанға жұмыс сапарымен барды
В ЗКО собрали 760 тонн мусора на 423 локациях за один день в рамках акции «Таза Қазақстан»
Президент: «Адамзаттың барлық жетістігі – ғалымдардың зияткерлік еңбегінің жемісі»
Қазақстанда «Таза Қазақстан» республикалық акциясы аясында @TazaQazBot Telegram чат-боты өз жұмысын жалғастыруда
