КіруРЕЖИССЕРЛЕР ШЕБЕРЛІКТЕРІН ШЫҢДАДЫ
18-22 сәуір аралығында Х.Бөкеева атындағы облыстық қазақ драма театрының кіші залында облыстық халық шығармашылығы орталығының ұйымдастыруымен халықтық театр және көпшілік шаралардың режиссерлеріне арналған «Кеңістік. Режиссура. Қолтаңба» аймақтық шеберлік сағаты оздырылды.
Облыс аудандары мен қаладан 24 режиссер қатысты. Шеберлік сағатына арнайы Алматы қаласы М.Әуезов атындағы қазақ мемлекеттік академиялық драма театрының қоюшы режиссері Дина Жұмабай қатысып, «Қазіргі театрдағы классика жанры», «Қазіргі театр режиссурасы», «Станиславскийден Мейерхольдқа дейін» тақырыбында дәрістер өткізіп, тәжірибе алмасты. Ал Оңтүстік Қазақстан мемлекеттік университетінің педагогика және мәдениет факультеті, «Өнер» кафедрасының оқытушысы, Шымкент қаласы әзіл-сықақ және сатира театрының қоюшы режиссері Самат Алтаев «Бұқаралық іс-шара ұйымдастырудағы режиссерлік интерпретация», «Қоғамдық маңызды ресми мерекелерді ұйымдастыру», «Ұлттық және дәстүрлі шаралар, заманауи шаралар», «Көпшілік мәдени тынығу жұмыстарындағы режиссерлік ұстаным, этика, қолтаңба», «Мемлекеттік ресми мерекелерді ұйымдастырудағы режиссерлік көзқарас» тақырыбында пікірталас, тренингтер жүргізді.
Шеберлік сағаты режиссерлер үшін даму, шығармашылық тәжірибе алмасу алаңына айналды. Кәсіби біліктілік, шеберліктерін шыңдап және заман талабына сай өзін-өзі дамыту форматын жаңартты. Шара соңында қатысушыларға сертификаттар табысталды.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу