Кіру«ҚҰРҒАҚ УӘДЕ БЕРМЕДІМ»
Шалқыма ҚҰРМАНАЛИНА, Орал қалалық мәслихатының 4 шақырылымының депутаты:
– Қазақстан Мәслихаттарының құрылғанына 25 жыл толуына орай ҚР Парламенті Сенатының «Алғыс хатымен» марапатталдым. Депутаттық жұмыс сан-қилы. Өзім 1999-2016 жылдары, яғни 4 шақырылымда халық қалаулысы болдым. Осы жылдар ішінде көп тәжірибе жинақтадым. Халық пен биліктің арасын жалғап, қарапайым жұртшылықтың мұң-мұқтажына көп мән бердім. Алға нақты мақсат қоямын. Төртінші округтен депутат болып сайланған соң сол ауданның тұрғындарына етене жақын едім. Көпшіліктің ұсыныс-тілектеріне бей-жай қарамадым. Жұмысқа орналасу, тұрғын үй мәселесін алға тартып келетіндерге нақты кеңес бердім. Айына бір мәрте «Нұр Отан» партиясының қоғамдық қабылдау бөлмесінде тұрғындарды кесте бойынша бір сағат қабылдау керекпіз. Бірақ мен уақытпен санаспадым. Өйткені, қабылдауыма тұрғындар көп келетін. Олардың әдейі мені іздеп жүретінін кейін білдім. Оның өзі халықтың депутатқа деген сенімі. Бизнесмен болмағаныммен, әр адамды жылы қабылдап, ақыл-кеңесімді айтамын. Сол жылдары округтегі көше жолдарын жөндеу жөнінде депутаттық сауалды көп жолдадым. 2017-2018 жылдары осы мәселе шешімін тауып, орталықтағы көшелер жөндеуден өтті. Халықтың алғысын алдым деп толық айта аламын. Депутаттықтан кетсем де тұрғындар мені іздеп жұмыс орныма келіп жүрді. Мәслихат жұмысына барлық жанға бірдей жаны ашитын, қарапайым халықтың проблемасын тіке қабылдайтын жандар ғана араласуы қажет деп ойлаймын. Құрғақ уәде бермей, ойы, көңілі халықпен бір жерден шығатын жан ғана депутат бола алады.
Соңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу