КіруОТБАСЫНДАҒЫ ТАТУЛЫҚТЫҢ СЫРЫ НЕДЕ?
Оралдағы Назарбаев Зияткерлік мектебінде 7-сынып оқушылары мен олардың ата-аналарына арналған «Тату отбасы» атты жеті апталық курс өтуде.
Бірікккен ұлттар ұйымының Есірткі және қылмыс жөніндегі басқармасымен бірлесе ұйымдастырылған курс барысындағы арнайы тапсырмалар ата-ана мен бала арасындағы байланысты нығайту, өзара түсіністікті қалыптастыру, отбасында жақсы қарым-қатынас орнатуға бағытталған.
Арнайы оқудан өткен мектеп психологтары түрлі әдіс-тәсілдер арқылы ата-аналар мен жасөспірімдер арасындағы түйткілді мәселелерді анықтап, оны шешу жолдарын үйретуде.
– Курсқа бір сыныптан он оқушы, он ата-ана қатысуда. Олар жеті апта бойы түрлі тапсырмаларды орындайды. Менің байқауымша, курстың басында көптеген ата-ана тапсырмаларды орындау барысында өздері шешім қабылдауға тырысатын. Ал қазір олар баласына жеке тұлға ретінде қарай бастады. Оларға өздігінен шешім қабылдауға, ойын ашық айтуға мүмкіндік береді. Нәтиже қуантады, – дейді мектептің психолог-педагогы Ақтоты Қазбекова.
Ата-ана Дәмеш Бекталиева қазіргі заманда баланың тәрбиесі, жанының тыныштығы әр ата-ананы алаңдататынын, осы орайда курсқа тап болғанына шын қуанышты екенін жеткізді.
– Бұрын ескермей жүрген дүниелерді байқап жатырмыз. Біз қазір үйге барған бойда курста оқыған дүниелерді талдаймыз, тапсырмаларды бірге орындаймыз. Осылайша отбасымыздың құндылығын қалыптастырудамыз. Балаларға өте қызықты. Сондықтан нәтиже де оң болады деп ойлаймын, – дейді Д.Бекталиева.
Айта кетейік, қатысушылар әр жұма сайын бас қосып, тату отбасын құрудың негіздерін меңгереді.
Оралдағы Назарбаев Зияткерлік мектебінің баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу