КіруОралдың төрінде домбыра музейі ашылды
Шілденің 7-сі күні, Орал қаласында Ұлттық домбыра күніне орай «Домбыра – ұлттық рух» атты музей бөлімінің салтанатты түрде ашылу рәсімі өтті.
Жиынды өлеңмен бастаған облыс әкімінің орынбасары Бақытжан Нарымбетов:-«Қазақтың домбырасының әрбір пернесінде біздің өткен тарихымыз, қуанышымыз бен мұңымыз жатыр. Қазақ сахарасында мұндай дрмбыра музейі жоқ. Бұл жерде ашылуының өзі күй отанымыз деп есептейміз. Күй атасы Құрманғазы, күй- анасы Дина Нүрпейісова. Барлық ұлттық рухымыз өркендей берсін!-деді .
Одан әрі облыстық тарихи- өлкетану қорына қобызшы-Ықылас Дүкенұлының қобызының көшірмесін алып келген, Дина Нүрпейісова атындағы Қазақ халық аспаптары академиясының оркестрінің солист-қобызшысы, Өнертану кандидаты, Ықылас атаның ұрпағы Ақнар Тәттібайқызы күмбірлете күй орындап, ресми түрде қобызды табыстады.
Бұдан соң домбыра музейінің лентасын өлкетанушы Жайсаң Ақбай мен облыс басшысының орынбасары Бақытжан Нарымбетов қиды. Шараға қатысқандар музейді тамашалап, көптеген көне жәдігерлермен танысты.
Гүлжан АЯЗБАЕВА.
Бұл мақала туралы«Жайық үні» газетінің №28 санынан толықтай оқисыздар.
Соңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
