КіруОралдық оқушылар Еуропа чемпионатына жолдама алды
Алматы қаласында қаңтардың 24-28 күндері футзалдан мектеп оқушылары арасында Еуропа чемпионатына іріктеу жарысы болып өтті.
Бұл жарысты республикалық «Мектеп спорт федерациясы» қоғамдық бірлестігі ұйымдастырған болатын.
Жарысқа еліміздің Алматы облысынан, Қарағанды облысынан, Атырау қаласынан және Орал қалалық білім беру бөлімінің Д.А.Қонаев атындағы №44 мектеп-гимназия командасы қатысты.
Тартысты өткен жарыста Сержан Манасов пен Мадияр Идаев жетекшілік ететін оралдық оқушылардан құралған команда Қарқаралы (Қарағанда) командасын 2:7 есебімен, Атырау командасын 2:3 есебімен, Алматы облысы командасын 1:2 есебімен жеңіп шықты.
Осылайша, жарыс қорытындысында жеңімпаз атанып, Босния мен Герцеговина елінде өтетін Еуропа чемпионатына жолдаманы жеңіп алды.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
