КіруОРАЛДА ЖАЛПЫҚАЛАЛЫҚ СЕНБІЛІК ӨТТІ
Бүгін Орал қаласында өткізілген сенбілікте 311 текше метр қоқыс шығарылды.
Орал қаласы әкімдігінің 2019 жылғы 28 наурыздағы №688 қаулысына сәйкес, санитарлық тазалау бойынша жалпықалалық сенбілігі жарияланған болатын.
Қала әкімдігінің баспасөз қызметінің мәліметінше, бүгін 30 наурыз күні ұйымдастырылған алғашқы жалпықалалық сенбілікке 7 363 тұрғын қатысты. Коммуналдық мекеме қызметкерлері және мемлекеттік қызметшілер, меншік түріне қарамастан ұйымдар мен мекемелер де тазалық шарасына жұмылдырылды. Сонымен қатар, ЖОО мен техникалық және кәсіптік білім беру орындарының 570 студенті, қаламыздың 53 пәтер иелері кооперативтерінен шамамен 300 жұмысшы сенбілікке атсалысты.
Сенбілікке шығарылған техникалар 25 бортты құрады және жолаушылар тасымалдау кәсіпорындарынан 5 автобус шығарылды.
Жаппай санитарлық тазалау жұмысы автобус паркі жол өтпесінен Новенький трассасына дейінгі Орал-Желаев трассасы, «Ел-Ырысы» базарынан қала шекарасына дейінгі Орал-Самара трассасы, «Үміт» шағынауданынан Орал-Саратов трассасы бағытындағы Деркөл айналма жолы, Туберкулезге қарсы диспансерден Орал-Самара трассасына дейінгі С.Тюленин көшесі, Чагано-Набережная көшесі бойындағы «Этих дней не смолкнет Слава» тынымбағы, Сарайшық көшесінен Алмазов көшесіне дейінгі Даумов көшесі аумақтарында жүргізілді.
Атап өтейік, санитарлық тазалық айлығы «Жасыл ел – Жасыл Орал» атауымен екі айға ұласады. Сондай-ақ әр сенбілік «Тазалық», «Жастар сенбілігі», «Отбасылық сенбілік», «Көгалдандыру» сынды тақырыптармен айшықталмақ. Қала басшысы М.Мұқаевтың сөзінше, биыл Орал шаһары 10 мың көшетпен толығады.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу